لەش پێویستی بە بڕێك چەوری هەیە بۆ ڕاپەڕاندنی فرمانەكانی، بەڵام پێویستە كە ڕێژەی چەوریی لەش لە نێو سنووری ئاساییدا بێت. چەوریی گشتیی لەش پێك هاتووە لە چەوریی پێویست Essential fat و چەوریی خەزنكراو Stored fat، چەوریی پێویست كە لە ئەندامەكاندایە وەكو مۆخی ئێسك، دەمارەخانەكان، مێشك، لەگەڵ ماسوولكە، زۆر گرنگە بۆ: دابینكردنی وزە بۆ میتابۆلیزم، پاراستنی پلەی گەرمیی لەش، پاراستنی ئەندامەكانی ناوەوەی لەش و جومگەكان لە هێدمەی فیزیكی. چەوریی خەزنكراو وەكو وزەی یەدەك لە چەورەشانەكاندا كۆ دەبێتەوە و كاریگەریی دەكاتە سەر ڕوخسار و شێوەی لەش. ڕێژەی ئاسایی چەوریی پێویست لە لەشدا بریتییە لە 3% بۆ پیاو و8-12% بۆ ئافرەت، هەروەها ڕێژەی ئاسایی چەوریی گشتیی لەش بریتییە لە 18-24% بۆ پیاو و 25-31%. بەگشتی دوو هەنگاو هەیە بۆ پارێزگاریكردن لە ڕێژەی ئاسایی چەوریی لەش، كە بە سادەیی بریتین لە: كەمخواردن و زیاد جووڵانەوە، واتە كەمكردنەوەی كالۆری و ئەنجامدانی مەشقی وەرزشی و زیادكردنی چالاكیی فیزیكی.