تاقمی ددان Dentures لەگەڵ سوودە زۆرەكانیدا، گەلێك گرفتی نەخوازراویشی هەیە، بۆنموونە فشار دەخاتە سەر پووك و ئێسكی شەویلاك و ژێرەوەی پووك كە بە تێپەڕبوونی كات دەبێتە هۆی كەمبوونەوەی قەبارە و چڕیی ئێسك Resorption بەتایبەتی كە تاقمی ددان ڕۆژانە بۆ ماوەیەكی زۆر دابنرێت، پاشان تاقمی ددان لە شوێنی خۆی لەق دەبێت و بە دروستی جێگیر نابێت، بۆیە پێویست بە گۆڕین دەكات. لە لایەكی دیكە ئەگەر تاقمی ددان بە پێی ڕێنماییەكان بە دروستی چاودێری نەكرێت و لەكاتی نووستندا لانەبرێت، ئەوا دەبێتە مۆڵگە بۆ بەكتریا و كەڕوو كە هەوكردن پەیدادەكەن و بۆنی دەم ناخۆش دەكەن، سەرەڕای سووتانەوە و هەوكردنی پووك و ناوپۆشی دەم یان تەنانەت هەوكردنی شانەی سییەكان. تاقمی ددان لەكاتی نووستندا لەوانەیە كەبخزێتە ناو قوڕگ و ببێتە هۆی هەناسەتەنگی و هەستكردن بە خنكان، بۆیە پێویستە لەسەر ئەو كەسانەی كە تاقمی ددانیان هەیە، پێش نووستن تاقمەكەیان دابنێن.