لە شاری هەولێر مەراسیمی ڕێزلێنان بۆ سێ هونەرمەندی بەئەزموون بەڕێوەچوو
بە ئامادەبوونی پۆلێك لە هونەرمەند و هونەردۆستان, ئێوارەی ئەمڕۆ دووشەممە ڕێكەوتی 14/10/2024 لە سەندیكای هونەرمەندانی كوردستان لە شاری هەولێر,مەراسیمی ڕێزلێنان بۆ سێ هونەرمەندی دیاری كورد بەڕێوەچوو.
سەندیكای هونەرمەندانی كوردستان لقی هەولێر بە هەماهەنگی لەگەڵ پارێزگای هەولێر مەراسیمی ڕێزلێنانی بۆ هەرسێ موزیكژەن و هونەرمەندانی بەئەزموون(سەید ئەحمەد ڕەواندزی) و(د.ئامانج غازی) و (شێرزاد سەرسپی) سازكرد,ئەمەش لە پای خزمەت و بەردەوامبوونی چەندین ساڵەیان دێت بە هونەری موزیكی كوردی و پێگەیاندنی چەندین گەنج و لاوی كورد لە بواری هونەری موزیكدا.
گوڵان-ئاسۆ كاكەیی
