ڕۆژی شەممە 12ی تشرینی یەکەم، بەپێی داتاکانی ناوەندی نیشتمانیی زریانەکانی ئەمریکا، زریانی "میلتۆن" زووتر لەوەی پێشبینی دەکرا، کاتژمێر٢٠:٣٠ بەکاتی ناوخۆ گەیشتە سەر زەوی.

بەهۆی ئەم زریانە ترسناکەوە با بەخێرایی 195 کیلۆمەتر لە کاتژمێرێکدا هەڵیکرد، دەسەڵاتدارانیش هۆشدارییان داوە لە هاتنی ئاوی دەریاکە بۆ ناو وشکانی، هەروەها ڕوودانی بارانبارینی بەخوڕ و لافاو  و پچڕانی کارەبای بەرفراوان هەبووە، و نزیکەی دوو ملیۆن کەس دەستیان  بە تۆڕی کارەبا ناگات.

دەوترێت کە زریانی میڵتۆن لانیکەم ١٩ گەردەلوولی دروستکردووە و نزیکەی ١٢٥ خانووی وێران کردووە کە گەیشتووەتە فلۆریدا، بۆ ماوەی نزیکەی هەشت کاتژمێر بارانێکی زۆر باریوە.

گەردەلوول و شەپۆلی زریان و بای بەهێز لەگەڵیدا بۆ ئەم ویلایەتە لە باشووری ڕۆژهەڵاتی ئەمریکا ڕۆیشت و دواتر بەرەو ئەقیانووس ڕۆیشت.

 

 

 

گوڵان: سەردار خەلیل