(*)

ئەم بابەتە نە لە سوزدارییەوە سەرچاوەی گرتووە و نەلە رقیشەوە، بەڵکو شیكردنەوە و خوێندنەوەی بەندەیە بۆ رووداوەكانی ئێستای ناوچەی روژهەڵاتی ناوەراست و جەنگی نێوان ئیسرائیل و ئێرانە. تیشك و پڕوشكی فراوان دەبێت و دەگاتە شوێنەکانی تر. من نامەوێ باسی وردەکاری ئەم جەنگە دوور و درێژە بكەم، بەڵام ئەوەی کە بە لامەوە گڕنگە باسی بکەم، نەتەوەو وولاتی خومە.

لەوانەیە زور كەس وابیر بكاتەوە كەوا ئەو جەنگە هیچ پەیوەندی بە ئێمەی كوردو هەرێمی كوردستانەوە نیە، بەلام با واقعانە بیر بکەینەوە، ئێمەش لەو جەنگەدا بەشدارین، بەلام تا چ ئاستێک و چۆن؟ لە كوێوە؟ ئەوەش روون و نا روونە.
لەبەر ئەوەی لایەنێكی سیاسی كوردی هەرێم بە ئاشكرا چوەتە ئەم بەرەو خوی یەكلای كردوتەوە كەوا لە ئەساسدا ئەمەیە كرۆكی بابەتەكەم، چونكە چونە بەرەی بەناو مقاومەی عێراقی ئیسلامی شیعی بە ئاشكرا، ئەمە خۆ كوشتنی سیاسی و نەتەوەییە، بڕیاڕێكی قورسە و هەروا ئاسان نیە، بۆیە بەرای خوم چاوەروانی هیچی باش و خوشیان نە بۆ میللەت، خاك و نیشتیمان لێ ناکەم،نە بۆ خۆیان لە داهاتوشدا، چونكە تو بڕیارتدا دژی لایەنێكی زلهێزی ناوچەكە بی، ئەگەر چی لە ئێستادا سەرگەرمن و پالیان پێوە ناوە بە هەندێک بەڵێنی بریقەدار و ووشەی هەنگوینی، بەڵام دڵنیام لە داهاتویێكی نزیكدا با ئەوانیش دڵنیابن بو هیچیان تاسەر نابێت. بەم شێوە با رونتڕ بڵێم تا خوێنەری بەرێز بزانی ئامانجی من كێن و چ شوێنێکن؟
ئەوەی ئێستا لە سلێمانی رودەدات باڕێكی نالەبارەو هیچی باشی لێ پێشبینی و چاوەروان ناكرێت، جگە لەنەهامەتی و ماڵ وێرانی. سیاسەتكردن بە دووشت ناكرێت، بە عاتیفەو رق، پێویستە لەم دوو شتە دووربكەویتەوە، ئەگەر بتەوێ سیاسەتێكی جوان، نەرم و حەكیمانە پەیرەو بکەیت، ناكرێت لە سلێمانی لەرقی پاڕتی بچیتە بەرەیەك كە هەموو كوڕدێكی بەشەرەف و دلسۆز باش دەزانێت ئەم یەكگرتنە لەگەڵ بەرەی مقاومەی عێراقی دەرئەنجامی چی دەبێت و چیان دەوێت، وە هەروەها ئەوان كێن، ئەوانە هەر لە بنەرەتدا دژی هەموو كوردێکن، دژی پڕەنسیپی، مەزهەبی، سەروەری، ئاڵا، خاك و پێشمەرگەی ئێمەن. مەراجیع و موفتییەکانیان پێیان وایە كورد جنۆكەن.
ئەوە هەموو لەلایەك كە تایبەتە بە كوردو كوردستان، هێشتا بەلامەوە ئەمەیان تا رادەیەک ئاساییە، وە هەروەها بەلای هاوپەیمانان و ئەمڕیكیەكانیش. بەڵام ئەوەی ئاسایی نیە بەلای ناوبراوان ئەوەیە تۆ سور بزانیت ئەم میلیشیا مقاومانە دژی هەرچی بەرژەوەندی، ئامانج و پێگەی ئەوانن، و دژایەتی كردنی ئەوان وەك ئەوە نیە دژایەتی پارتی و قەوارەی هەرێم بكەیت، چونكە ئەگەر دژایەتی پارتیش بكەیت سەرۆك بارزانی قەدەغەی كردووە جاڕێكی تڕ خوێنی كورد بەدەستی كورد بڕژێ، بۆیە زمانیان درێژە، قسەیان گەورەیەو، درویان زەقە و بەڵێنیان هەمووی دژی پارتی و ئاوەدانیە، بەڵام ئەمریكیەكان و هاوپەیمانان قبولی ئەوە ناكەن تو دژیان بوەستیت و لە ئامانج و بەرژەوەندیان بدەیت، باجی دەبێت، ئەوانە ناویان لەلیستی رەشی ئەمریكادایە. شاری سلێمانی نەكەنە قوربانی چەند بەلێنێكی ماددی دیاری كراو، ئەم شارە وێرانتر نەكەن،
سەرەخوشی لە حەسەن نەسرە اللەی دژە كورد بكەیت و سەرانی حەشد لە سڵێمانی بخەوێنی و بیان پاڕێزی، هەروەها خاكفرۆشی خاكی كوردستان بكەیت، بە رۆژ لە حكومەت بیت و بەشەو ئوپوزوسیون بی و بلێیت حكومەتی هەرێم دەروخێنم، كەچی سەدان جار ئەمریكاو ئەوروپا دوپاتیان كردۆتەوە کە پشتگیری حكومەتی هەرێم دەكەین، ئەمە چۆن شیكار دەكرێت، هەروەها دوای روخانی سەددام، چۆن كومەڵگای نێو دەولەتی و ئەنجومەنی ئاسایش ئەمەریكایان رەخنە بارانكرد بەوەی کە عێراقی وێران كرد و لەناوبرد، ئەوەی ئەمەریكاو ئەوروپا شانازی پێوە دەكەن هەرێمی كوردستانە، تۆش بێیت و دەست لەگەڵ میلیشیا دژە ئەمریكیەكان تێكەل بكەیت، پێت وایە ئەمەریكا تەنها سەیرت دەكا، یاخود نەوتی كەركوك رادەستی ئێران بكەیت، كەوا هەزاران سەربازی خۆی بەكوشتن دا لەپێناو ئەو نەوتە، یانیش كۆبوونەوەو هەستان و دانیشتن لەگەڵ ئەمانە بكەیت، هەرگیز پێت وانەبێ ئەمانە هەمووی لەبیر دەكرێت یا بێ باج تێدەپەرئ، تاكە خەمی من ئەوەیە کە هەرێمەکەمان باجەكە بدات پشك و پەروشی بەر ئێمە بكەوێت، ئەوانە بێ باكن بو خاك و نیشتیمانی خومان.

 

(*)