خەلک و باژێرێ کەرکوکێ تنێ دکارن چارەنڤیسێ خۆ دیار بکەت و تێدا کاربکەن،ئەڤا هەنێ کو دەربارێ دانانا پارێزگارێ کەرکوکێ دهێتە گوتن و بەحسکرن، ئەوە کو یا بۆریە و دەربازبوویە و کوردا دڤییا یە هەردەم ب هەڤڕا و ب هەموو نەتەوە ژی تێدا پشکدار بن.
بەلێ ئەڤ چەندا هاتییە کرن نەک بۆ چ نەتەوا بوویە تنێ هاتییە کرن بۆ بەرژەوەندیێن کەسی و حزبی ، و دێ ل پاشەڕۆژێ ژی زۆر زیان هەبن و ب هەموولایان ژی کەفیت بۆ هندێ کو ئەڤ کەسێ هاتیە دانان نە ب ئیرادا مللەتێ کورد بوویە و لەوما ئەو یێ سەرکەفتی نابیت د کارێ خۆ دا.
ژبلی کوردا ژی کو تشتەک دیتر هەیە ئەو ژی هەبوونا جێگر و جڤاتاتێن کەرکوک نە ژلایێ مە کوردانە و ئەو ژی ب کەیڤا خو دێ سەرەدەریێ یان ژی بێژین یاریێ ب ئاگری کەن و ئەوا خەلکێ مە دڤێت بگەهی ێ ئەوە کو ئەڤا هەنێ یا دەربازبووی هــــەر ژ سالا ٢٠٠٣ ان دا ، دڤییا بایە نوکە نوویترین قویناغ هاتبا بجئینان بۆ دەستکەفتێن زێدەتر ل دەڤەرا ناڤبڕی. ل گورەی ماددەیێ ١٤٠ و ب دەستووری و یاسایی تەعامل بهێتە کرن بو هندێ دا چ کەس و لایەنەک زەڕەڕمەند نەبیت.
مە دیت کو پێکهاتێن وەک عەرەب چەوا پێشوازی لێکر و هەڵویسیتێ خۆ ل سەر دانان پارێزگاری دیارکر، ئەڤەیە بوویە ئەگــــەرێ هندێ کو ناکوکی زێدەتر بن یان وان پۆستێن دیتر ژی کورد دەست بدەن و زێدەتر نەخۆشی و نەئارامی پەیدا ببیت، چونکی پێشتر و نوکە ژی سەرۆک بارزانی هەردەم دڤییایە کو دەڤەرەکا سەقامگیر بهێتە ئاڤاکرن و ڕێڤەبڕن و چ خوین و دەستکەفت ژی نەهێنە ژ دەستدان و هەردەم هەڤکار بوویە بو ئاڤاکرنا دەڤەرێ و خۆشگۆزەرانی بۆ خەلکی و ل سەر خەتبوویە دگەل لایەنێن دیتر .
داخۆیانێن عەرەبا بخۆ بەڵگە بوونە ل سەر هندێ کو نەڕازیبوونا خۆ دیار کریە و دبنە ئەگەرێ شکەستن و باڕگڕانییا وی د ئەرکێ پۆستێ پارێزگەری دا و ئەڤ پارێزگارە ژی نە یێ سەرکەفتی بیت د کارێ خو دا و ل دەڤەرێ ژی هند دەستهەلات و کار و پلانێن وی ناهێنە بجئینان و هەتا دبیت ئەڤە ژی ئەو زەڤییێن جوتیاران و بەردان و ئەرەبکرن یا بەردەوام بیت و خەلک زێدەتر قوربانییان بدەت ل دەڤەرێ بەرهندێ دڤێت ئەو زێدەتر کار بکەت ئێکەم جار بلند کرنا ئالایێ کوردستانێ و زڤڕاندنا وان کەسێن کەسێن هاتیە هەولێر و جهێن دیتر و زڤڕاندنا زەڤیێن جوتیاران و کارێن باشتر ل دەڤەرێ بێ جوداهییا نەتەوە و حزبی.