لونا مەریوان یاریزانی ئەسپ سواری یانەی شێركۆ

یاری ئەسپ سواری لە ئێستادا لە پێشكەوتن دایە
هەر چەندە یاری ئەسپ سواری یارییەكی جیهانییە و ساڵانەچەندین پاڵەوانێـتی لەسەر ئاستی جیهان بەرێوە دەچێت ، بەڵام لە كوردستان و بگرە لە عێراقیش وەكو پێویست ئاوەڕ لەم یارییە نەدراوەتەوە، زیاتر هەوڵەكان تاكە كەسین بۆ بەرەووپێشبردنی ئەم یارییە، یانەی سوارچاكی شێركۆ لە پارێزگانی هەولێر ماوەیەكە گرنگی بە یارییەكانی ئەسپ سواری دەدات و چەندین یاریزان و ڕاهێنەری بە ئەزموون لەم یانەیە كار دەكەن بۆ ئەوەی لە داهاتوودا ئەم یانەیە بكەنە نموونەیەكی بەرزی یاری ئەسپ سواری لە سەر ئاستی پارێزگای هەولێر و كوردستان و عێراقیش، یەكێك لە یاریزانە بەتواناكانی یانەكەش كچە یاریزان لونا مەریوان-ە ئەو یاریزانی یانەی جەیش و ڕاهێنەری ئەسپ سواری یانەی كۆڕازە ناوبراو لە دایك بووی ساڵی 1999ی شاری هەولێرە و خاوەنی بڕوانامەی بە كالۆریسە لە بەشی ژمێریاری، ئێمەش لە نزیكەوە چەند پرسیاریكمان لێ‌ كرد ئەوەیش بەمجۆرە وەڵامی پرسیارەكانی گۆڤاری گوڵانی دایەوە.
*بۆچی یاری ئەسپ سواریت هەڵبژارد؟
-چونكە یارییەكی نوێی بوو لە نێو ئافرەتاندا بە تایبەتی لە كوردستان.
* لە كوردستان ئاستی یاری ئاسپ سواری لە چ ئاستێكدا دەیبینی؟
- یاری ئەسپ سواری لە ئێستادا لە پێشكەوتن دایە لە شارەكانی كوردستان قۆناغی باشی بڕیوە.
*بۆچی لە كوردستان وەكو پێویست گرنگی بەم یارییە جیهانییە نادرێت؟
-ئەمە چەند هۆكارێكی هەیە لەوانەش شەرمەی ئافرەتان، نەبوونی توانای دارایی، ڕێگری خێزان.
*پێت باشە چی بكرێت بۆ ئەوەی ئەم یارییە بچێتە قۆناغێكی تازەوە؟
- هەبوونی شتاڵ (فێرگەی ئەسپ سواری)تایبەت بە ئەسپسواری و نرخەكەی و هاندانی كۆمەڵ و دەوڵەت.
*هەست ناكەی یارییەكی قورست هەڵبژاردوە كە زۆرجار گرفت بۆ یاریزانی ئەم یارییە دورست دەبێت؟
- بەڵێ، بەڵام پێویستە ئافرەتان شان بدەنە ژێر هەموو بوارێك وە پەندێكی كوردی هەیە دەڵێ سوار تا نەپەرێ نابێتە سوار.
*كێشەو گرفتان چییە لەم یارییە؟
- نەبوونی هاندان و پشتگیری لایەنی پەیوەندیدار بۆ ئەوەی بتوانین تەواو پێگەیشتوو بین.
* وەرزشی ئەسپسواری چی پێی بەخشیوی؟
-خۆشیەكی بێ پایان.
*ئێوە هیچ كات دوو چاری گرفت بوون لە ئەنجامدانی ئەم یارییە؟
بەلێ چۆن هەزاران تیروتوانجی خەڵكی بێ ئاست و نزمەكان.
*هیوا و ئاواتان لە ئەنجامدانی ئەم یارییە؟
-ببم بە یاریزانێكی پێشكەتوو و بەشداری كردنم لە كێبڕكێ كوردستان و دەرەوەی ووڵات.
*بەرنامەی داهاتووتان چیە وەكو كچە یاریزانێكی ئەسپ سوار؟
-كۆڵنەدان لەم یارییە و بوونی ئەسپی چاك و ڕەسەن، چونكە خۆمان هەم سواری و و هەم فێركردنی ئەسپەكانە.
*بڕیارت نەداوە تیپێك بۆ شاری هەولێر دروست بكەی؟
- خۆم هاوكاری ناكرێم چۆن بتوانم تیپ دروست بكەم.
*هیچ گرێبەستێكت پێشكەش كراوە بۆ یاری كردن؟
-تاكو ئێستا نەخێر گرێبەستم پێشكەش نەكردوە.
*كێ بە پاڵپشتی خۆت دەزانی لەم یارییە؟
-خێزانەكەم بە تایبەتی دایك و باوك و برام هەمووو كات بۆ من پاڵپشت بووینە.
*ئەگەر شتێكت ماوە لە كۆتایدا؟
-زۆرسوپاس بۆ گۆڤاری گوڵان ئومێدەوارم دیدارەكانمان ببێتە مایەی پشتگیریمان لەلایەن وەزارەت و كاربەدەستان لە گەشەپێكردنمان.