سەرۆککومارێ تورکیا هەڤسەنگیەك بۆ هەولێر و بەغدا و ئەنقەرە
موسا خالد
هاتنا سەرۆککومارێ تورکیا ئەردوگانی د ڤی دەمی دا زورا گرنگ و پێویستە چونکە هەڤسەنگیەک هەیە دناڤبەرا بەغدا و تورکیا وەسا ژی هەولێر بو تورکیا رۆلەك گرنگ هەیە کا چەوا عێراق بو تورکیا گرنگە وەسا هەرێما کوردستانێ ژی بو تورکیا گرنگە تایبەت وەك وەلاتەكێ جیران چونکی هەرێما کوردستانێ سنورو دەرگەهەکێ گرنگە بو عێراق و تورکیا و روژهەلاتا ناڤەراست دیسان ۲٦ یاداشتنامه‌یێن لێكتێگه‌هشتنێ و رێككه‌فتنێن دچارچووڤه‌یێ ستراتێژى دگه‌ل توركیا ئیمزاكرن. دناڤبه‌را ئیراقێ و توركیا گرنگترینا وەكۆ دانانا پرۆژێ هێلا ئاسنی شەمەندەفرێ چونکی ئەڤ هێله بو رۆژهەلاتا ناڤەڕاست و هەرێما کوردستانێ گرنگە ژلایەکێ دیڤه کوردستان زور دەولەمەندە گرنگە ژلایێ نەفت و غازی بێ گومان تورکیا هژمارەکا زور بۆ ڤێ چەندێ دەت، دیسان سالێن بوریدا سالا ۲۰۱٥ پرۆسەیەکا گرنگ و ھەروەسا کو نابیت ژبیربکەین رۆلەکی بەرچاڤ ھەبوو ل دروستکرنا پیڤاژۆیا ئاشتیێ دناڤبەرا پەکەکێ و دەسھەلاتا تورکیا ب ھاریکاریا مەرجەعێ کوردا سەرۆک مسعود بارزانی بۆ ماوەکی درێژ بەردەوام بوو و بنەمایێ سیاسەتا پارتی و بارزانی کو چەندین جارا وانا ئاماژە ب ھندێ کریە و کار ژی لسەر دکەن کو پێتڤیە کێشەیا کوردان ل تورکیا ب رێکا ئاشتی و دیموکراسیێ بھێتە چارەسەرکرن کۆ خوین نەهێتە رێژتن و ئەڤ پەیوەندێن نوکە دا د فەرن چونکە ئەردوگان ب ئاشکرایی دبێژیت فەرە گرنگی و پێشڤەچوونا مەزن د پەیوەندیێن هەرێما کوردستانێ تورکیا بدەن، ژلایێ دێڤە هەبوونا پەکەکێ ناڤ عێراقێ و تایبەت دەڤەرێن کوردستانێ و تورکیا ئامادەباشیەک مەزن یا کری سنورێن خۆە یێن ئەمینی باشتر ب پارێزیت، چونکی پەیماننامەیەك هەیە ل سالا ۱۹۲۰ رێکەفتنەک هەیە هەردوو لا سنورێن ئێک دوو پارێزن ژلایێ ئەمینی ڤە، دیسان ئەڤە رامانا وێ چەندێ دەت هەولێر و قەوارێ هەرێما کوردستانێ گرنگیا مەزن هەیە ژلایێ دبلوماسی هەم ل سەر ئاستێ عێراق و ل ئاستێ نیڤدەلەتی دا و گرنگیدان پەیوەندیێن تورکیا و هەرێما کوردستانێ پەیوەندێن درێژخایەن ل سەر ئاستی دبلوماسی و ئابووری بازرگانی و ژلایەکێ دی دێ گرنگیدان ب گشت و گوزاری بۆ هەردوو لایەنان دێ بیتە ئەگەرەکێ بهێز هەر وەکو یا دیار عێراق و تورکیا ل بەغدا دوو چەندێن یاداشتێن لێكتێگەهشتنێ ئێمزاکرن ئەڤە دێ بیت رێخوشکەر بۆ پەیوەندێن هەرێما کوردستانێ وەکو رێکەفتنا بواری ئەمینی و سەربازی و ستراتێژی و گەشەپێدانا زانستی گرنگی دان ب گەشت و گوزارو، ره‌جه‌ب ته‌یب ئه‌ردۆگان سه‌رۆككۆمارێ توركیا پشتى ب دویماهیك هاتنا سه‌ره‌دانا به‌غدا، ئه‌ڤ هەر ل دوهی گه‌هشتبوو هه‌ولێرێ و ل فڕۆكه‌خانه‌یا هه‌ولێرێ یا نێڤده‌وله‌تى ژ لایێ نێچیرڤان بارزانى سه‌رۆكێ هه‌رێما كوردستانێ ڤه پێشوازى لێ هاتە كرن. پشتى كۆمبوونا سه‌ركرده‌یێن هه‌رێما كوردستانێ ب به‌رهه‌ڤبوونا نێچیرڤان بارزانى سه‌رۆكێ هه‌رێما كوردستانێ و سه‌رۆكوه‌زیر مه‌سروور بارزانى ل گه‌ل شاندێ توركیا ب سه‌رۆكایه‌تییا ره‌جه‌ب ته‌یب ئه‌ردۆگان سه‌رۆككۆمارێ توركیا و كۆمبوونا دى یا ئه‌ردۆگانى ل گه‌ل سه‌رۆك بارزانى، كۆمبوونێن ئه‌ردۆگانى ل هه‌ولێرێ ب دویماهیك هاتن و پشتی کۆ سەرۆکایەتییا هەرێما کوردستانێ راگەهاندنەک ل دۆر کۆمبوونا بەرپرسێن بلند یێن هەرێمێ ل گەل سەرۆککۆمارێ تورکیا دیارکرن کۆ د کۆمبوونێ دا دوپاتی ل بەردەوامییا پەیوەندیێن هەڤپشک هاتەکرن و ئەردۆگانى پشتەڤانییا وەلاتێ خۆە بو هەرێما کوردستانێ دوپاتکر، سه‌ره‌دانا ئه‌ردۆگانى بۆ هه‌ولێرێ، ب ئێكه‌م سه‌ره‌دانا سه‌رۆككۆمارێ توركیا بۆ هه‌رێما كوردستانێ دهێته هژمارتن .
