هونەرمەندی دیاری میسری (سەڵاح سەعدەنی) كۆچی دواییكرد
ئەمڕۆ هەینی ڕێكەوتی 19/4/2024 هونەرمەندی شانۆكار و ئەكتەری دیاری بواری سینەما و درامای میسری (سەڵاح سەعدەنی) لە تەمەنی 81 ساڵیدا كۆچی دوایی كرد.
سەڵاح سەعدەنی لە ڕێكەوتی 23/10/1943 لە میسر لە دایكبووەو یەكێكە لە ئەكتەرە دیارەكانی سینەمای میسری,ئەم هونەرمەندە لە بواری فیلمی سینەمایی و زنجیرە دراما و شانۆ و كاری تەلەفزیۆنی كاری كردووەو شان بەشانی ژمارەیەك هونەرمەند و ئەكتەری دیار ڕۆڵی بینیوە.
دیارترین كارەكانی بریتیە لە زنجیرە درامای (لیالي الحلمیة) كە لە هەر شەش بەشی بەشداربوو شانبەشانی هەر یەك لە هونەرمەندان یەحیا فەخرانی و وەسفیە ئەلعەمری و حەسەن یوسف و دەلال عەبدولعەزیز و عەبلە كامل و ژمارەیەكی دیكەی دیاری میسری لە زنجیرە دراماكە بەشداربوون كە ئەم كارە تەلەفزیۆنییە لە ساڵی 1987 تاوەكو 1995 بەردەوامبوو,وه دوایین بەشی ئەم زنجیرە درامایە ساڵی 2016 بەرهەمهات .
گوڵان-ئاسۆ كاكەیی
