كتێبی (ماندێلا,سەرەتایەك بۆ ناسینی) بڵاوكرایەوە
لە كافتریای سینەما سالم لە شاری سلێمانی بۆنەی ناساندن و بڵاوكردنەوەی كتێبی(ماندێلا,سەرەتایەك بۆ ناسینی)لە نووسینی تونی بیشیك بەڕێوەچوو كە نووسەر و وەرگێڕ(سەڵاح شاكەلی)كردوویەتی بە كوردی .
بە ئامادەبوونی ژمارەیەك لە نووسەر و ئەدیبان,ڕێكخراوی كوردستان دیالۆگ مەراسیمی بڵاوكردنەوەو واژووكردنی كتێبی (ماندێلا,سەرەتایەك بۆ ناسینی) سازكرد كە ئەم كتێبە لەلایەن نووسەر و وەرگێڕ (سەڵاح شاكەلی)وەرگێڕدراوەتە سەر زمانی كوردی,هەروەها بەڕێز حەمە هێمن ڕانان و خوێندنەوەی بۆ كتێبەكە كرد.
هەر لە میانی بەڕێوەچوونی مەراسیمەكەدا (ڕەئوف ڕەباتی) دیاری ڕێزلێنانی كوردستان دیلۆگی پێشكەشی نووسەر و وەرگێڕ سەڵاح شاكەلی كرد.
گوڵان-ئاسۆ كاكەیی
