دیوانی (تەمەن)ی شاعیری دیاری كورد(ئەحمەد محەمەد) بە زمانی فەرەنسی بڵاوكرایەوە
بۆ یەكەمجار لە ڕێكەوتی 7/10/2023 لە شاری سلێمانی دیوانە شیعرییەكەی بەزمانی ئیتاڵی بڵاوكردەوە,بەڵام لە ئێستادا شاعیری دیاری كورد ئەحمەد محەمەد دیوانی(تەمەن)ی بە زمانی فەرەنسی بڵاوكردەوە .
بە ئامادەبوونی ژمارەیەكی بەرچاو لە هونەرمەندان و نووسەران,لە ئینستیتوتی فەرەنسی لە شاری هەولێر كۆڕێك بۆ بڵاكردنەوەو ناساندنی دیوانی “تەمەن”ی شاعیری دیاری كورد(ئەحمەد محەمەد) بە زمانی فەرەنسی بەڕێوەچوو,وە هەر لەم كۆڕەدا چەند بەشێك لە دیوانەكە بە زمانی كوردی و زمانی فەرەنسی بۆ ئامادەبووان خوێندرایەوە,هەروەها هونەرمەند و موسیزیان (فریا عومەر) بە ئامێری موزیكی گیتار ئامادەی بەڕێوەچوونی كۆڕە شیعرییەكە بوو.
ئەم دیوانە شیعرییە كە بە زمانی فەرەنسی چاپكراوە, (حەسەن عەلی ساڵح)كاری وەرگێڕانی دیوانەكەی لە زمانی كوردییەوە بۆ زمانی فەرەنسی كردووەو (بەرزان یاسین) پێشەكی دیوانەكەی بە زمانی فەرەنسی نووسیوە.
هەروەها بڕیار وایە لە ئایندەدا دیوانی تەمەن وەربگێڕدرێتە سەر زمانی سویدی كە (ئازاد مەعروف) كار بۆ ئامادەكردنی دیوانەكە دەكات .
گوڵان-ئاسۆ كاكەیی
