زەیتی گوڵە بەیبوون بۆ پێستی چەور بە تێكەڵەی سرووشتی
![زەیتی گوڵە بەیبوون بۆ پێستی چەور بە تێكەڵەی سرووشتی](https://gulanmedia.com/public/images/posts/20240222095520_original_10.jpg )
لە دێر زەمانەوە زەیتە سرووشتییەكان لە جوانكاریدا بەكار هاتوون و هەمیشە ئەنجامی باشیان پێكاوە، لەوانەش زەیتی گوڵە بەیبوون بۆ چاودێریكردنی پێست، بەتایبەت پێستی چەور.
پێكهاتەكانی:
• چوار كەوچكی چێشت هەنگوین
• چارەكی مانگۆیەك
• دوو لەسەر سێی گێزەرێك
• نیو كەوچك زەیتی سرووشتیی بەیبوون.
چۆنیەتی ئامادەكردن و بەكارهێنانی: كەمێك ئاو گەرم بكە، پاشان هەنگوینی تێبكە تا دەبێتە شلەیەك، گێزەرەكە بكوڵێنە و پاشان بیسووە، دواتر لەگەڵ باقی پێكهاتەكانی لە ناو خەڵاتێكدا هەموویان تێكەڵ بكە بۆ ئەوەی هەویرێكی یەكگرتوو و نەرم دروست بكات تا دەبێتە ماسكێك. ماسكەكە بدە لە دەموچاو و لاملت و بۆ ماوەی ١٠-١٥ خولەك بەجێی بهێڵە، دواتر دەموچاوت بە ئاوی سارد و دواتریش بە ئاوی گەرم بشۆ، پاشان كەمێك ئاوی سارد بپرژێنە بە دەموچاوتدا، ئینجا بە خاولییەكی خاوێن وشكی بكەرەوە، پاشان بە بەكارهێنانی شێداركەرەوەیەكی گونجاو پێست شێدار بكە.
ئامادەکردنی: شیلان علی