ڕەتکردنەوەی سەندیکای کرێکاری هیندستان لە مامەڵەکردن لەگەڵ بارکردنی چەک کە پەیوەندی بە ئیسرائیلەوە هەیە
سەندیکایەکی کرێکاری هیندستان کە نوێنەرایەتی هەزاران کرێکاری بەندەر دەکات، وەک هاوسۆزی لەگەڵ خەڵکی غەززە ڕەتیکردەوە مامەڵە لەگەڵ بارکردنی چەک و تەقەمەنیدا بکات کە پەیوەندییان بە ئیسرائیلەوە هەیە.
فیدراسیۆنی کرێکارانی کەشتییە ئاوییەکانی هیندستان کە ئەندامەکانی زیاتر لە سێ هەزار و ٥٠٠ کرێکارە لە ١١ بەندەری گەورەی هیندستان پێکهاتوون، لە نامەیەکدا کە لە بەرواری ١٤ی شوباتدا نووسیویەتی، بە ئاماژەدان بە هەڵوێستی خۆی لە دژی شەڕی ئیسرائیل دژ بە غەززە و کوشتنی خەڵکی بێتاوان، ئەم بڕیارەی ڕاگەیاندووە. ئاماژە بەوەشکراوە: "فیدراسیۆنی کرێکارانی كەشتییە ئاویێەكانی هیندستان... بڕیاریداوە خۆی لە بارکردن یان دابەزاندنی باری چەکی ئیسرائیل یان هەر وڵاتێکی دیکە کە بیەوێت کەرەستەی سەربازی بۆ شەڕی دژی فەلەستین هەڵبگرێت".
گوڵان: سەردار خەلیل
