ژمارەی قوربانییانی بوومەلەرزەکەی ژاپۆن بۆ ١٨٠ کەس زیادی کرد
ژمارەی قوربانییانی بوومەلەرزەکەی پارێزگای ئیشیکاوا لە ڕۆژئاوای ژاپۆن گەیشتە ١٨٠ کەس.
پارێزگاری ئیشیکاوا لە ژاپۆن ڕایگەیاند: ژمارەی قوربانیانی بوومەلەرزەکانی ئەم دواییە لەم پارێزگایە و کەنارەکانی نیمچە دورگەی نۆتۆ بۆ ١٨٠ کەس زیادیکردووە.
بە پێی ئەم ڕاگەیەندراوە، زیاتر لە ٢٨ هەزار کەس لە سەرانسەری پارێزگاکە لە پەناگەدان و سێ هەزار و ٣٠٠ کەسیش بەهۆی داڕمان و خراپ بوونی ڕێگاوبانەکانەوە گیریان خواردووە.
لە کاتێکدا پشووی ناوەڕاستی ساڵ لە ژاپۆن کۆتایی هاتووە و خوێندن لە قوتابخانەکان دەستی پێکردووە، ٨٠ قوتابخانە لە پارێزگای ئیشیکاوا ناتوانن دەست بە چالاکییەکانیان بکەن.
گوڵان: سەردار خەلیل
