بومەلەرزەیەک بە گوڕی 5.7 پلە ناوچەی لداخی لە باکووری هیندستان هەژاند.

دامەزراوەی جیۆلۆجی ویلایەتە یەکگرتووەکانی ئەمریکا (USGS) لە بەیاننامەیەکدا ڕایگەیاند: بوومەلەرزەیەکی بەهێز بە گوڕی 5.7 پلە بە پێوەری ڕێختەر لە ناوچەی لداخ لە باکووری هیندستان ڕوویداوە.

بەگوێرەی ئەو بەیاننامەیە ئاماژەی پێکراوە، ئەم بوومەلەرزەیە لە قوڵایی 36.3 کیلۆمەتر و 30 کیلۆمەتر لە باشووری ڕۆژئاوای شاری پادوم ڕوویداوە.

ئەم بوومەلەرزەیە هیچ زیانێکی گیانی و زیانێکی دارایی لێ نەکەوتووەتەوە.

هەروەها سەنتەری نیشتمانی بومەلەرزەزانی هیندستان (NCS) هێزی ئەم بوومەلەرزەیەی بە 5.5 پلە ڕاگەیاند.

هەروەها ئەم بوومەلەرزەیە لە شاری کارگیل هەستی پێ كراوە.

 

 

 

گوڵان: سەردار خەلیل