لە تێکهەڵچوونەکانی غەززە ١٧ سەربازی ئیسرائیلی کوژران
سوپای ئیسرائیل کوژرانی ١٧ سەربازی خۆی لە میانەی پێکدادانەكان لەگەڵ گروپە فەلەستینییەکان لە کەرتی غەززە ڕاگەیاند.
سوپای ئیسرائیل ڕایگەیاند: کە ١٧ سەربازی ئەم وڵاتە لە کاتی پێکدادان لەگەڵ گروپە فەلەستینییەکان لە کەرتی غەززە گیانیان لەدەستداوە.
هەروەها سوپای ئیسرائیل کوژرانی دوو سەربازی دیکەی ئەم وڵاتەی ڕاگەیاند، کە لە کاتی شەڕ و پێکدادانەکانی کەرتی غەززە بریندار ببوون.
بەم شێوەیە ژمارەی قوربانیانی سوپای ئیسرائیل لە سەرەتای دەستپێکردنی ئۆپەراسیۆنی زەمینی لە کەرتی غەززە لە ٣١ی ئۆکتۆبەرەوە بۆ ١٧ سەرباز زیادی کردووە.
گوڵان: سەردار خەلیل
