ئەمڕۆ یەکشەممە 8/10/2023 مەسرور بارزانی، سەرۆکی حکوومەتی هەرێمی کوردستان لە پێگەی تایبەتی خۆی لە تۆڕی کۆمەلایەتیی فەیسبووک ڕایگەیاند: ''ئه‌مڕۆ پێشوازیمان له‌ بەڕێز ئەحمەد ئیبراهیم ئەلزاهری، كونسوڵى گشتيى ئيمارات له‌ هه‌رێمى كوردستان كرد.''

سەرۆکی حکوومەت ئاماژەی بەوەش داوە: ''له‌ ديدارەکەدا کونسوڵی گشتیی ئیمارات، بانگهێشتنامەی خاوەنشکۆ شێخ محەمەد بن ڕاشد ئال مەکتووم، جێگری سەرۆکی دەوڵەتی ئیمارات و سەرۆکی ئەنجوومەنی وەزیران و حاکمی میرنشینی دوبەی پێشکەش کردین بۆ بەشداریکردن لە کۆبوونەوەی لوتکەی جیهانیی کەشوهەوا COP28 کە ڕۆژانى یەک و دووی دیسەمبەری ئەمساڵ له‌ شارى دوبه‌ى ئه‌نجام دەدرێت و هاوکاتە له‌گه‌ڵ ڕۆژى نيشتمانيى دەوڵەتی ئيمارات.''

ڕوونیشی کردووەتەوە: لەو لوتکەیەدا گفتوگۆ لەبارەی ڕووبەڕووبوونەوەی لێکەوتە نەرێنییەکانی گۆڕانی کەشوهەوا لەسەر وڵاتانی جیهان دەکرێت.