لە ئۆپەراسیۆنێکدا لە دژی کەسانی پەیوەندیدار بە گروپی تیرۆریستی فتوە لە ئازەربایجان، شەش کەس کە یەکێکیان سەرکردەی پارتێکی سیاسی بوو، دەستگیرکران.

وەزارەتی ناوخۆی ئازەربایجان ڕایگەیاند: لەسەر بنەمای ئەو زانیاریانەی كەلە لایەن وەزارەتی ناوخۆی تورکیاوە پێیان دراوە، ئۆپەراسیۆنێکیان لە دژی کەسانی پەیوەندیدار بە گروپی تیرۆریستی فتوە لە ئازەربایجان ڕێکخستووە.

لەم بەیاننامەیەدا هاتووە: كە لەم ئۆپەراسیۆنەدا 5 کەس دەستگیرکراون، یەکێکیان شایەتی ئەوەی داوە کە پەیوەندی لەگەڵ قەباد عەبادئۆغڵو، سەرۆکی بزووتنەوەی دیموکراسی و خۆشگوزەرانی ئازەربایجان هەبووە.

هەروەها ڕاگەیەندرا، کە چەند بەڵگەنامەیەكی گرنگ لە نووسینگەی عەبادئۆغڵو دۆزراونەتەوە و عەبادئۆغلویش دەستگیر کراوە.

 

 

گوڵان: سەردار خەلیل