سەرۆک بارزانی پێشوازی لە وەزیری هێزە چەکدارەکانی فەڕەنسا دەکات
![سەرۆک بارزانی پێشوازی لە وەزیری هێزە چەکدارەکانی فەڕەنسا دەکات](https://gulanmedia.com/public/images/posts/20230720151841_original_12.jpg )
ڕۆژی پێنجشەممە 20ی تەمموزی 2023 لە سەلاحەددین سەرۆک مەسعود بارزانی پێشوازی لە بەڕێز سێباستیان لوکۆرنوی وەزیری هێزە چەکدارەکانی فەڕەنسا و شاندێکی یاوەری کرد.
لە دیدارەکەدا بارودۆخی سیاسیی جیهان و ناوچەکە و عێراق تاوتوێ کرا و وێڕای ئاماژەدان بە دۆستایەتیی مێژوویی نێوان گەلی کوردستان و گەلی فەڕەنسا، جەخت لە پەرەپێدانی دۆستایەتی و پەیوەندی و هەماهەنگیی نێوان هەردوو لا کرایەوە.
هەر لەو دیدارەدا بیروڕا لەبارەی هەڕەشەکانی داعش و هزری توندڕۆیی لەسەر عێراق و ناوچەکە ئاڵوگۆڕ کرا.
![سەرۆک بارزانی پێشوازی لە وەزیری هێزە چەکدارەکانی فەڕەنسا دەکات](https://gulanmedia.com/public/images/posts/20230720151905_big_770x552_28.jpg )