کابینا نەهێ یا حکومەتا هەرێما کوردستانێ سەرەرایێ هەبوونا ئاستەنگێن سەخت وەک( پەتایا کۆرۆنا19، نزمبوونا بهایێ نەفتێ بۆ ژێر سفرێ، ناکوکیێن سیاسی یێن پەرلەمانی و بریارێن بناڤێ دادگەها فیدرالی یا ئێراقێ جار ب نەهناردنا پشکا هەرێما کورستانێ و جار ژی یاسایا نەفت و گازا هەرێمێ ب نە دەستوری)، هەروەسا دروستکرنا چەندین تێکدانێن دی وەک( هێرشێن ڕۆکێت و دڕۆنان بۆ سەر هەولێرێ و ..هتد ) دەرباس کر.
ڕەنگە لدەسپێکێ خەلکەکی وەسا هزر کربیت کۆ ئەڤ کابینا حکومەتا هەرێمێ نەشێت خۆ لبەر ڤان قەیرانێن دژوار بگریت و هزر ل هەڵوەشاندنا وێ کربیت،
لێ سەرەرایی ناکۆکیێن سیاسی یێن ناڤخۆی و دەرڤەی هەرێمێ و بەرهنگاریا گاڤێن حکومەتێ نەخاسمە پرۆژێ چاکسازیێ ژلایێ، گرۆپێ دەسهەڵاتدارێن حزبێن پشکدار دناڤ حکومەتێ دا، رژدیا سەرۆکێ حکومەتێ لسەر بجهــ ئینانا کارناما حکومەتێ و تەحەدایا قەیران و ئاستەنگا، شیا گاڤێن مەزن بهاڤێژیت و دادکۆکیێ لسەر چاکسازیا و تێپەڕاندنا قەیرانا بکەت ددەمەکێ دا ئەڤ کابینە شیا مەزاختیێن حکومەتێ کێم بکەت و داهاتان ژی فڕە لایەنی بکەت، هەتا کۆ داهاتێن هەرێمێ ل چەند مەهێن دەستپێکێ ژ دەستبکاربوونا ڤێ کابینێ هەتا پێش قەیرانا کۆڕۆنایێ شیا هەیڤانە مۆچێن فەرمانبەرا دابین بکەت.
لسەر ئاستێ نافخۆ یێ کارگێری، دەرماڵە و مۆچە هاتینە ڕێکخستن و ئەڤ چەندە بوویە ئەگەرێ دەست نیشانکرنا مۆچە و دەرماڵان دبجهــ ئینانا پرۆژێ چاکسازیێ داهاتەکێ زۆر بۆ حکومەتێ د زڤری کۆ هاتبوو دەستپێکرن، ژبووی کۆنترۆلکرنا داهاتێن نافخۆیی و دەروازێن سنووری ژی دیسان گاڤێن باش هاتنە هاڤێتن.
لدیڤ کارناما حکومەتێ گرنگیەکا باش ب ژێرخانا ئابووری دایە وەک چاندن و پیشەسازی و گەشت و گۆزار و سەروەریکرن یاسایێ. دراستی دا ب پڕاکتیکی نیشانێن وێ دیار بووینە، و پلانێن باش بۆ هاتنە دارشتن و کاریگەریێن وێ یێن ئەرێنی بۆ خەلکی دێ دیار بووینە.
ل دیف داتایێن کابینەیا نەهێ یا حکومەتا هەرێما کوردستانێ، دوو هزار و 478 پرۆژەیێن گرنگ هاتینە جێبەجێکرن ب گۆژمێ 12 ترلیون و 40 ملیار و 667 ملیون دینار د سێکتەرێن ڕێگا و بان، ئاڤ، چاندن، کارەبا، پەروەردە، تەندروستی و خزمەتگۆزارین سەرتاسەری یێن سنورێ پارێگەهـ و ئیدارێن سەربەخۆ ل دویف پێدڤی جێبەجێکرینە1104 پرۆژە بۆ هەڤلێرێ و 617پڕۆژە بۆ دهۆکێ و 644پرۆژە بۆ سلێمانیێ و 113پرۆژە بۆ هەلەبچە، هەوڵێن زۆر داینە ژ بۆ دادپەروەریا د گەهاندنا خزمەتگوزاریان و جێبەجێکرنا پڕۆژان دا.