ئەردێ وەڵاتێ مە یێ پڕە ژ ژێدەرێن ئاڤێ یێن باش و و پاک، بگرە ژ برک و رویبار و زێبار و جوویێن کانییان، بدرێژاهیا دەڤەرێن گوند نشین؛ بمخابنی ڤە ئەڤروکە ژبەر ڕێڤەبرنەکا نە ساخلەم، هەروەسا خەمساریەکا مەزن ل وەرزێن گەشت و سەیرانان ژینگەهـ دهێتە پیسکرن بتایبەت ژینگەها ئاڤی. هەروەسا ژ ئەگەرێ دانانا کارخانەیێن پانزیخانەو پاڕزنینا نەفتا خام هزارەها دونەمێن ئاڤا سەرئەرد و بن ئەرد دهێتە پیسکرن، ئەگەر مرۆڤ کەسەکێ خەمخۆر و وەڵات ڤیایی نەبت، بزەحمەت دروست تێبگەهت انب ژینگەهـا وەڵاتێ مە چەند هاتیە ژناڤبرن!!.. ماددەێن پلاستێکێ دبن ئەگەرێ ژێنگەهـــ و ژناڤ چوونێ ، شاڕەزاێن ژێنگەهێ و کەش و هەوای وەسا دیاردکەن عیراق و هەرێم تا سالا2030دێ توشی هێشکە سالیا دژواربیت،
ئەڤرۆکە لسەر مە هەمیان پێدڤی یە ئەم ژینگەها دەڤەرێن ئاڤی بپارێزین، بتایبەت دەڤەرێن گوندنشین ئەو دەڤەرێن هێژ دەستێ مرۆڤێ پێشکەفتی و شارستانی نەگەهشتیێ! چونکی ل ئەوان دەڤەران ژێدەرێن ئاڤی د خوەزایی نە، و لگوڕ ستاندەرێن جیهانی یێن کواڵتیا ئاڤێ پاک و بژوینترن ژ ژێدەرێن دەڤەرێن باژێڕ نشین.
گرنگییا پاراستنا ژینگەها ئاڤێ چەندین مفاتێدا هەنە، ژ ئەوان:
1ـ ئاڤ سەرچاوێ ژیانێ یەو ئەرد بئاڤێ ب ژیان دکەڤت.
2ـ ساخلەمبوونا ئاخا زەڤیێت چاندنێ، ژبەرکو ئاڤا ئاڤدانێ یا پاکژە.
3ـ کێمتر مەزاختن ژبۆ پەیداکرنا ئاڤا ڤەخوارنێ.
4ـ پاراستنا ژیانا مرۆڤ و گیانەوەر و زیندی یێن جوربجور (هەڤسەنگیا سیستەمێ ژینگەهێ).
5ـ زڤڕاندنا ژیانێ بۆ وان دەڤەرێن ئاڤ لێ کێم.
6ـ زێدەبوونا چاڤکانیێن ئاڤێ هەکەر ڕێڤەبرنەکا دروست هەبت.
مخابن ژبەر پیسبوونا ژینگەها مە ئەم تا ڕادەکێ بەرچاڤ ژ ئەڤان مفایان بێ باربووینە، لێ ئەگەرێ سەرەکی هەر ئەم بخوە نە، و چارە ددەست مە هەمیان دایە و هەرئێک ژ مە ل جهێ خوە ژینگەهێ بپارێزن.

٭ پێدڤی یە تاک تێبگەهت، کو ژینگەهـ ملکێ گشتی یە.
٭ یاسایا ژیانێ یە؛ ژینگەهـ پشکەکە ژ سروشتی، هەر تشتەکێ نە سروشتی دێ ژینگەهـ ژناڤ خوە دەرێخت، ڤێجا چ د ماوێ سەدساڵاندا یان هزار ساڵان دابت.
٭ ڕێڤەبرنا ژێدەرێن ئاڤێ بشێوەکێ نە ساخلەم ڕێگرە لسەر مان و زێدەبوونا ژێدەرێن ئاڤێ.
٭ یاسایا سەقای: دێ هند بارت، هندی ئەرد ڕاگرت (پێشینان).
٭ نەبوونا پڕۆژەیێن ستراتیجی ژبۆ پاراستنا ئاڤا بن ئەرد بڕێکا دانانا سکرێن ئاڤێ یێن مەزن ل هەمی گوند و دەڤەران.

ل دویماهیێ:
بلا ل بیرا مە هەمیان بت،تا سالا2030 عیراق و هەرێم دێ کەڤن بەر هێشکەسالایا دژوار ، پەیوەندییا ئاڤێ و هەمی گیانداران ئێکسەرە بتایبەت مرۆڤی لەو پیسبوونا ژینگەها ئاڤێ مەزنترین تاوانە،ددەرهەق ژینگەهێ دا بگشتی. و کارڤەدانێن وێ هەر ئەم مرۆڤ دێ باجەکا گران دن، لێ دەمچاخ دێ ڕاستییا ڤێ چەندێ خوەیا بکت.