بوومەلەرزەیەک بە گوڕی ٥.٤ پلە لە ژاپۆن ڕوویدا

 

 

دەزگای کەشناسی ژاپۆن ڕایگەیاند، لە کاتژمێر 16:59 بەکاتی ناوخۆ، بوومەلەرزەیەک بە گوڕی 5.4 پلە  بە پێوەری ڕێختەر لە کەناراوەکانی ڕۆژهەڵاتی ویلایەتی ئۆکیناوای ژاپۆن ڕوویداوە.

ئەم بوومەلەرزەیە لە قوڵایی ١٠ کیلۆمەتردا ڕوویدا و هیچ ئاگادارکردنەوەیەک لەبارەی ئەگەری ڕوودانی تسونامی دوای ئەوە نەدرا.

ئەم بوومەلەرزەیە لە شارەکانی ناگۆ، ئۆروما و نانجۆی لە ویلایەتی ئۆکیناوا و ویلایەتی کاگۆشیماش هەستی پێکراوە.

تا ئێستا هیچ وردەکارییەک لەبارەی زیانە گیانییەکان و ئەگەری زیانەکانی ئەم بوومەلەرزەیە بڵاونەکراوەتەوە.

 

گوڵان: سەردار خەلیل