بە بۆنەی هاتنەوەی جەژنی پیرۆزی ڕەمەزان، گەرمترین پیرۆزبایی ئاراستەی سەرجەم موسڵمانانی کوردستان و عێراق و جیهان دەکەین، پیرۆزبایی لە کەسوکاری سەربەرزی شەهیدە نەمرەکان و هێزی پێشمەرگەی کوردستان و کادیر و ئەندامان و جەماوەری سەربەرزی پارتیمان دەکەین و،  هیوادارین ئەم بۆنە پیرۆزە ببێتە مایەی خێر و خۆشی بۆ تەواوی هاووڵاتییانی ئازیزی کوردستان.

لەم بۆنە پیرۆزەدا دووپاتی دەکەینەوە، کە ئێمە وەک پارتی دیموکراتی کوردستان جەخت لەسەر یەکڕیزی و هەماهەنگیی سەرجەم حزب و هێز و لایەنە سیاسییەکان دەکەینەوە، هەروەها  پاراستن و داکۆکیکردن لە سەقامگیریی هەرێمی کوردستان و فەراهەمکردنی ئارامی و ئاسوودەیی و دابینکردنی خۆشگوزەرانی بۆ هاووڵاتیانی کوردستان بە ئەرکی هەموو لایەک دەزانین.

هیوادارین جەژنی پیرۆزی رەمەزان، هەوێنی بەهێزکردنی گیانی برایەتی و ئاشتەوایی کۆمەڵایەتی و پێکەوەژیان بێ لە کوردستان، جەژنێکی هیوابەخش بێت بۆ گەلەکەمان و، هەموو لایەک لە دەرد و بەڵا و ناخۆشی و نەخۆشی بەدووربن و، بە شادی و بەختەوەرییەوه جەژن بەسەربەرن.

مەکتەبی سیاسیی
پارتی دیموکراتی کوردستان
٢٠ـی٤ـی٢٠٢٣