نارین فەقێ لەگەڵ باوكی گۆرانییەكی نوێ بڵاودەكاتەوە
خانمە هونەرمەند (نارین فەقێ) بە هاوبەشی لەگەڵ هونەرمەند (عادل فەقێ)ی باوكیدا گۆرانییەكی نوێ بڵاودەكاتەوە .
نارین لە نوێترین بڵاوكراوەیدا لە تۆڕی كۆمەڵایەتی ئەنستگرام چەند وێنەیەكی لە هەژماری خۆی بڵاوكردۆوتەوە كە لە نێو ستۆدیۆ وێنەكان تۆماركراون و نارین لەگەڵ هونەرمەند (عادل فەقێ)ی باوكی و موسیزیان (عەلی شاكر)ی هاوژینی و چەند هونەرمەندێك دەردەكەوێت .
هەروەها نارین لەگەڵ بڵاوكردنەوەی وێنەكان نوسیویەتی: (گۆرانییەكی نوێ لەگەڵ باوكم كە بەمزووانە بڵاودەكرێتەوە,دوای 20ساڵ و گۆرانی (دلبەر)هەستاین بە ئامادەكردنی گۆرانییەكی خۆش بۆ هەموو گوێگرێك)هەروەها نارین لە كۆتایی نووسینەكەیدا سوپاسی ئەو كەسانەی كرد كە پاڵپشت و هاوكاری بوون لە كارە هونەرییەكەی .
گوڵان-ئاسۆ كاكەیی
