هونەرمەند حەمە هاشم (نامەكانی ڤانكۆخ) بڵاودەكاتەوە

پاشنیوەڕۆی ئەمڕۆ پێنج شەممە ڕێكەوتی 2/2/2023 لە شاری هەولێر, هونەرمەندی شێوەكار و نووسەری دیاری كورد(حەمە هاشم) پێنجەمین كتێبی چاپكراوی خۆی بڵاوكردەوە .

بە ئامادەبوونی ژمارەیەك نووسەر و هونەرمەند لە ناوەندی ڕۆشنبیری ئاشتی لە شاری هەولێر مەراسیمی ناساندن و واژووكردنی كتێبی (نامەكانی ڤاكۆخ)ی هونەرمەندی شێوەكار و نووسەر (حەمە هاشم) بە ڕێوەچوو .

كتێبی نامەكانی ڤانكۆخ كە بە چەندین زمان بڵاوكراوەتەوە, بریتییە لە كۆكراوەیەك لە نامەكانی نێوان (ڤانكۆخ)ی شێوەكاری هۆڵەندی و (تیۆر)ی برای كە لە ساڵی 1914 لەلایەن (یوهانە) هاوژینی ڤانكۆخ كۆكراوەتەوە بۆ یەكەمجار نامەكان لە كتێبێكدا چاپكرا كە زیاد لە هەزار ڵاپەڕە دەبێت .

ئەم بەرهەمەی (حەمە هاشم) دەبێتە یەكەم بەرهەمی ئەو كتێبە كە بە زمانی كوردی چاپ بكرێت, هەروەها بەشێك لە نامەكانی تێدایەو كتێبەكە زیاتر سەرنج دەخاتە سەر ژیانی ڤانكۆخ ئەو قۆناغانەی كە تێیدا ژیاوە و پەیوەندی نێوان ڤانكۆخی شێوەكار و براكەی دەخاتە ڕوو .
ئاسۆ كاكەیی








