جاكی چان بەشی چوارەمی فیلمی rush hour بەرهەم دەهێنێت
![جاكی چان بەشی چوارەمی فیلمی rush hour بەرهەم دەهێنێت](https://gulanmedia.com/public/images/posts/20221209230153_original_45.jpg )
دوای 15 ساڵ تێپەڕبوون بەسەر بەشی سێهەمی فیلمی ئاكشن(rush hour) لە ئێستادا كار دەكرێت بۆ بەرهەمهێنانی بەشی چوارەمی ئەم فیلمە سینەماییە كە ئەستێرەی جیهانی (جاكی چان) و (كريس تاكر) پاڵەوانی فیلمەكەن .
![جاكی چان بەشی چوارەمی فیلمی rush hour بەرهەم دەهێنێت](https://gulanmedia.com/public/images/20221209230557_big_770x552_18.jpg )
جاكی چان لە عەرەبستانی سعودیە ئامادەی فیستێڤاڵێكی سینەمایی بوو كە لەوێدا خەڵاتی ڕێزلێنانی پێبەخشرا,هەروەها جاكی چان لە نوێترین لێدوانیدا چەند زانیارییەكی دەربارەی بەشی چوارەمی فیلمی(rush hour)خستەڕوو و ئاماژەی پێدا كە لە ئێستادا تیمی ئەم فیلمە سینەماییە كار بۆ بەرهەمهێنانی دەكات و بەم نزیكانە لەگەڵ دەرهێنەر دەربارەی سیناریۆی كارەكە گفتوگۆیان دەست پێدەكات .
![جاكی چان بەشی چوارەمی فیلمی rush hour بەرهەم دەهێنێت](https://gulanmedia.com/public/images/posts/20221209230219_big_770x552_40.jpg )
شایەنی باسە, لە ڕابردوودا بەرهەمهێنانی بەشی چوارەمی ئەم فیلمە تەنها وەكو پڕۆژەیەكی سینەمایی باسی لێوە دەكرا, ساڵی 2017 جاكی چان بە لە دیمانەیەكیدا (power106)ی ڕاگەیاند: تێكستێكی سینەماییمان پێویستە بۆ ئەم بەشە نوێیە , لە حەوت ساڵی ڕابردوو و لەهەر سێ بەشی ئەم فیلمە كێشەمان ئەوەبوو كە تێكسێكی سینەمایی زۆرمان پێ قبووڵ نەبوو ,بەڵام ئەو كێشەیە چارەسەر كراو لەسەر تێكسێكی سینەمایی ڕێكەوتووین .
هەر لەو چاوپێكەوتنەی, جاكی چان جەختی لەسەر ئەوە كردەوە كە لە كاتێكدا پلانەكانی ئەم بەشە نوێیە جێبەجێ دەكرێت, كاتێك هاوشێوەی بەشەكانی پێشوو (كریس تاكر) شان بەشانی لە فیلمەكەدا بەژداری بكات .
زنجیرە فیلمی (rush hour) كە فیلمێكی سینەمایی ئاكشنە و هەریەك لە جاكی چان و كریس تاكر پاڵەوانی فیلمەكەن, یەكەم بەشی ئەم فیلمە لە ساڵی 1998 بەرهەمهات و ساڵی 2001 بەشی دووەمی بەرهەم هات, هەروەها ساڵی 2007 بەشی سێهەمی بڵاوكرایەوە .
ئاسۆ كاكەیی