هێرشی زیاتر لە ١٥٠چەكدار بۆ سەر بارەگای پۆلیس لە پاکستان
زیاتر لە ١٥٠ چەكدار هێرشیان کردە سەر بنکەیەکی ئەمنی لە پاکستان و پێنج ئەفسەری پۆلیسیان کوشت و تەرمەکانیان بردووە.
لە هێرشی زیاتر لە ١٥٠ چەكدار بۆ سەر بنکەیەکی پۆلیس لە ناوچەی گوتکی سەر بە ویلایەتی سند لە پاکستان، ٥ ئەفسەری پۆلیس کوژران و ٤ کەسی دیکەش بریندار بوون.
ژمارەیەکی زۆر لە هێزە ئەمنییەکان ڕەوانەی ناوچەکە کراون.
ئەفسەرێکی پۆلیس کە نەیویست ناوی ئاشکرا بکرێت، گوتی: هێرشبەرەکان بە موشەک هێرشیان کردووە، هەروەها تەرمی كوژراوەكانیشیان بردووە.
بەپێی وتەی بەرپرسانی ئەمنی، ئەفسەرانی پۆلیس بۆ پاراستنی ئارامی گشتی چوونەتە ناوچەکە و هەروەها چەكدارەكانیش لە کاردانەوەی بوونی پۆلیس لە ناوچەکەدا هێرشەكەیان ئەنجامداوە.
گوڵان: سەردار خەلیل
