دوەین جۆنسون لە یەكەم نمایشی فیلمەكەیدا بە شێوەیەكی جیاواز دەركەوت
نوێترین فیلمی سینەمایی (دوەین جۆنسون) نمایش كرا كە كۆمپانیای وارنەر برۆس كاری بەرهەمهێنانی ئەنجامداوە .
لە وڵاتی ئیسپانیا یەكەم نمایشی فیلمی سینەمایی (بلاك ئادەم) بەڕێوەچوو و (دوەین جۆنسون) پاڵەوانی ئەم فیلمە بە شێوەیەكی جیاواز دەركەوت و تیشێرتی (ڕیال مەدرید)ی یانەی تۆپی پێی ئیسپانی نیشاندا هەروەكو لە وێنەكاندا دیارە كە ژمارەی 54 و ناوی خۆی لەسەر نووسراوە, ئەم وێنەیە لە تۆڕە كۆمەڵایەتییەكاندا دەنگدانەوەیكی زۆری بەدوای خۆیدا هێناو بە گەرمی پێشوازی لێكرا .
فیلمی (بلاك ئادەم) كە ناونیشانی نوێترین بەرهەمی سینەمایی دوەین جۆنسونە و فیلمێكی ئاكشن و خەیاڵی زانستییە, لەم كارە سینەماییەدا ئەستێرەی دیاری هۆڵیوود (پیرس برۆسنان) و سارا شاهی و ئالدس هۆدج و نواە سێنتنیوو و مەروان كنزاری و جنێفەر هۆڵاند و ئۆدێلا هلەڤی و چەند ئەكتەرێكی دیكەی سینەمایی لەم فیلمەدا ڕۆڵ دەبینن .
ئاسۆ كاكەیی
