كه‌وتنی كه‌ركووك له‌ ماوه‌یه‌كی كه‌متر له‌ 24كاژێردا ، كه‌متر له‌ شه‌ورۆژێك و به‌و ئاسانییه‌ ، تراژیدیا و گاڵته‌جارییه‌ ، ‌بۆ كورد پرقوربانیترین و له‌ده‌ست دانی هه‌لی زێرینی به‌هێزترین پرسی سیاسی بوو .
لەدوای ریفراندۆمی سەربەخۆیی ، کەوتنی کەرکووک ، پەند و وانەیەکی دیكه‌یه‌ی نەتەوەییە له‌نێو نه‌ته‌وه‌كانی جیهان و نه‌ته‌وه‌كانی ده‌رودراوسێی هه‌میشه‌ تینوو به‌شكستی كورد و شادومان بە پارچەپارچاکردنی کوردستان و لێکترازاندنی نێو ماڵی کورد .
له‌مێژووی ناوچەکەدا دا( قەشمەرجاری و تراژیدیای خیانەت) هه‌ر له‌كورد قەوماوەو روویداوه‌ هه‌رلەنێو مێژووی كوردیشە چەندین جارە دووبارە دەبێتەوە .
16 ی ئۆكتۆبه‌ر ،ئه‌و رۆژه‌ی کەرکووکی لەنێو خاکی دایکا لەڕەگەوە هەڵتەکاند، كوردی وه‌ك نه‌ته‌وه‌یه‌كی هه‌تیووی تێهه‌ڵدراوی باڵشكاوی په‌راگه‌نده‌ی نێو مێژووی خۆی نارده‌وه‌ و غلۆری كرده‌وه‌ ،نێو ناته‌بایی و په‌رتكه ‌و زاڵبه‌ و خیانەت و خەنجەری ژەهراوی و بێ قیمەت و بێ بەهاکردنی تاک و کۆمەڵگای کوردو کوردستانی .
16ی ئۆکتۆبەرکوردی کردەوە قەشمەرجاری ناوچەکەوقەشمەرجاری دەرودراوسێ
16 ی ئۆكتۆبه‌ر، وه‌ك چۆن جۆرێك له‌ سه‌رسورمانی تێدایه‌ ، ئاواش هه‌ندێ راستی شاراوه‌ی له‌ناوخۆیدا مه‌ڵاس داوه‌ ، به‌راده‌یێ ناخی تاك و كۆمه‌ڵگای كوردستانی هه ژاند ، دۆست و دوژمنیشی سه‌رسام و نیگه‌ران ، کەیفساز و دڵخۆش كرد .
كه‌وتنی كه‌ركووك ، ته‌نیا له‌به‌ر هێرش و په‌لاماری سوپای زه‌به‌لاح و بێشوماری تاران و به‌غدا و حزب اللە لبنانی و بێ ده‌نگی ئه‌مریكاو بەریتانیاو پشتێكردنیان له‌ دێرینترین و بەوەفاترین هاوپه‌یمانیان نه‌بوو کە کوردە .
داگیركردنی خورماتوو و كه‌ركووك له‌ ترس و ترسنۆکی کورد نەبوو لە بەرامبەر پرچه‌كی حه‌شدی به‌غداو پاسداری تاران و حزب الله‌ی لبنانی به‌ یارمەتی جۆره‌ها چه‌كی پێشكه‌وتووی ئه‌مریكی و غه‌یره‌ ئه‌مریكی،ئێرانی و تورانی و حه‌شدو مه‌شدی ئه‌م و ئەوی گەلەکۆمەکراو لەکورد و لەکەرکووک.
کەوتنی کەرکووک له‌ نا ئاماده‌یی و غه‌فڵه‌تگیری،و ته‌نانه‌ت له‌ نابه‌له‌دی پێشمه‌رگه‌ی قاره‌مانی داعش بەزێن ونتێكشکێنەرانی هیلالی شیعی وئه‌براهامزی ئه‌مریكی نەبوو .
16 ّئۆکتۆبەر په‌تای (ده‌رده‌ كورد و کودخائینۆ ) بوو، له‌ خامه‌ی خانی مەزن و گەرووی کاوێس ئاغا تنۆك تنۆك داچۆراوه‌ بۆ 16 ی ئۆكتۆبه‌ر پێرۆكه‌ بووه‌ .
ئه‌و په‌تاییه‌ی ئه‌حمه‌دی خانی به‌ر له‌ 300 ساڵ پێش ئێستا به‌ نه‌بونی (ئیتیفاق و ئینقیاد ) ناوی دێنێ :
گه‌ردێ مه‌ هه‌بوا ئیتیفاقه‌قەک .. پێكرا ده‌كرد ئینقیاده‌ك
گه‌ر ئه‌وسا به‌ر له‌ 300ساڵ حاڵی کوردلە نێو (ئیتیفاق و ئینقیاد ) دابووایە ئەوا هەرگیز حاڵی كورد له‌ 16ی ئۆكتۆبه‌ری 2017 وانه‌ده‌بوو، بەڵێ قەتاوقەت و هەرگیزاو هەرگیز وانەدەبوو...
له‌ مێژبوو ده‌وڵه‌تمان ته‌كمیل ده‌بوو،
بێ دین و دونیاش نه‌ده‌بوین ،
له‌غولامی رۆم و عه‌ره‌ب و عه‌جه‌میش
رزگاریمان ده‌بوو .
برایانی موسلمان و هاودینمان وا شۆفینییانه‌ پڕیان نه‌ده‌داینێ و وا له‌ قوڵایی فه‌رهه‌نگ و کەلتوری ئه‌نفال و جینۆساید كردنا بۆ قڕكردنمان شاڵاویان به‌جۆش و خرۆشتر نه‌ده‌بوو..!!
ئه‌سه‌ف بۆرۆژی 16ی ئۆكتۆبه‌ر .. چۆن ده‌رده‌كوردەو کوردخائینۆ ته‌نیا هه‌ر ئه‌و خه‌م و خه‌فه‌ته‌ نه‌بوو ، وەڵێ زۆر قوڵترو پڕ زامتر بوو لەوەی شه‌وانه‌ به‌رۆكی هێمنی شاعیری بگرێ و له‌دوای نسكۆی ئه‌یلوول دا شیوه‌نی (ناڵه‌ی نه‌ی و جودایی )پێ بنووسی ، چونکە بۆزۆربه‌ی هه‌ره‌زۆری گەل و میللەت ، له‌ دوای (گه‌یشتنه‌ ترۆپی ئاره‌زوو ) به‌ ئازادی و ده‌نگ دان بۆ ریفراندۆم و سه‌ربه‌خۆیی و هەنگاو بۆ بنیات نانی ده‌وڵه‌تی كوردستان له‌نێو وه‌حیشیگه‌رایی ده‌رو دراوسێی و پشتێكردنی هاوپه‌یمانان و په‌رته‌وازه‌یی نێو ماڵی كوردی ده‌رده‌داربه‌كرمی دار ، وه‌ك هێمنی شاعیر شیوه‌نی ده‌رده‌كورده‌كه‌ ده‌گێرین :
شیوه‌نی من شیوه‌نی كوردی بێ به‌شه‌
ئه‌و گه‌له‌ی حاشای لێ ده‌كه‌ن و هه‌شه‌
له‌ كاتێكدا ، ئه‌وراستییه‌مان له‌ به‌ر چاوه‌ ئه‌وه‌ی له‌ تووزخورماتوو ، شه‌وی 15 له‌سه‌ر 16روویدا , ئامانج لێی كه‌ركووك بوو ، ئه‌وه‌ی له‌ رۆژی 20ی ئۆكتۆبه‌ریش له‌ پردێ روویدا ، ئامانج لێی هه‌ولێر بوو . ئه‌و هه‌ولێره‌ی گرێكوێره‌ی عه‌بادی و ئەمسالی ئەو لە حاکمانی بەغداو وسوپای پاسداران بوو ، ئەو هەولێرەی به‌ربه‌ست و رێگری بوون بۆ بوون كه‌ریدۆر بۆ سه‌ر ده‌ریای ناوه‌راست .
له‌ هه‌ولێریش ئامانج لێی سەرۆک بارزانی بوو،ئەو پیاوەمەزنەی رابەرو فریادرەسی بێکەسترین نەتەوەی دونیا بوو ..
لە تێگه‌یشتنی ئه‌واندا ، ئەوەیە‌ كرۆكی مه‌به‌ست ،. ئه‌وە سەرۆک بارزانییە رابه‌ری بیری نه‌ته‌وه‌یی و هه‌ڵگری رێباز و هزری :
(من كوردم ، كه‌واته‌ له‌ نێو ڕۆم و عه‌ره‌ب و عه‌جه‌م ، من هه‌م ) .
گه‌رئێستایش دوای ئەوەندەساڵەش،پاسدارو حه‌شد له‌كه‌ركووك و شنگال بن ، بەغداو هاو سۆزو هاوبیرانی هەرسه‌رمه‌ستی نه‌وتی كه‌ركووك بن ، لە نێو نە شئەی مه‌زنی سه‌ركه‌وتن دابن!! ، شكستی مه‌زنیان له‌داستانی پردێ و سحێلا لێکەوتەی کەوتنی کەرکووکی گۆڕیوە و بەردی ئەلحەددی داستانی (پردێ ومەخمورو سحێلا و مەحموودییە)لە زڕە خەوی کورد قڕانکردن باگای هێناون ڕووڕەشی نێو فه‌رهه‌نگی شۆڤینیانه‌و دیكتاتۆریانه‌ی خۆیان بوونەوە و له‌ككه‌یه‌كیی دی شه‌رمه‌زاری به‌ به‌رۆكی به‌غدا و هاوکۆفانی وه‌كرد .
داستانی پردێ ، قارەمانیەتی پێشمەرگە لە 20 ئۆکتۆبەردا مه‌كگۆرك له‌ خه‌وی غه‌فله‌تی دیداری ژووری سه‌ربازی بارزانی له‌ سحێلا به‌ر له‌ ریفراندۆم باگادێنێ و تێله‌رسن به‌هۆش خۆی دێنێته‌وه‌و به‌راده‌ی ئه‌وه‌ی ، داستانی پردێ ئه‌م لێكه‌وته‌ی بۆ ئه‌مریكییه‌كان لێ ده‌كه‌وێته‌وه‌ :
له‌ ئاستی نێوده‌وڵه‌تیدا رووسیا جگه‌له‌وه‌ی قونسڵخانه‌یان له‌ هه‌ولێر داناخه‌ن و له‌ گرێبه‌سته‌ نه‌وتییه‌كانیان له‌گه‌ڵ هه‌ولێر په‌شیمان نابنه‌وه‌ ، به‌ به‌ستنی گرێبه‌ستی تازه‌ش درێژه‌ به‌كاره‌كانیان له‌ گه‌ڵ حكومه‌تی هه‌رێمی كوردستان ده‌ده‌ن . هه‌روه‌ك رۆژی 23ی ئۆكتۆبه‌ر ی 2017 دا سێرگی لاڤرۆڤ وه‌زیری ده‌ره‌وه‌ی رووسیا وای گوت ، له‌ په‌یامه‌كه‌شی ڕووی قسه‌ی له‌ به‌غدا بوو .
هه‌ر له‌لێكه‌وته‌ی ترو دەستکەوتی مەزنتر ،دوای داستانی پردێ په‌یوه‌ندی ته‌له‌فۆنی ئێواره‌ی رۆژی 23ی ئۆكتۆبه‌ر ئیمانۆیل ماكرۆن سه‌رۆكی فه‌ره‌نسابوو بۆ سه‌رۆك بارزانی ئه‌وه‌ی گوتراوه‌و نه‌زانراوه‌ ، ده‌رهاویشته‌ی نه‌زانراوەی گرنگی تیابوو،سەردانی بەرێزنێچیرڤان بارزانی ، ئەوسا سەرۆکی ئەنجومەنی وەزیرانی حکومەتی هەرێم بوو بۆ فەرەنسا لەزانراوبینراوەکان بوو.
ئەم لێکەوتانە ئه‌مریكا و تیله‌رسه‌نی وه‌زیری ده‌ره‌وه‌یان ناچار كرد به‌ دوو په‌یام بێننه‌وه‌ هۆش و هۆشداریش بداته‌ به‌غدا و تاران و به‌ره‌ی (حكومه‌تی رزگاری نیشتیمانی سلێمانی..!!) پووچەڵ بکەنەوە ، بۆ ناوخۆی كوردستان به‌پێكهاته‌ سیاسییه‌كانیه‌وه‌ ، ده‌بێ پشتیوانی له‌حكومه‌تی هه‌رێمی كوردستان بكه‌ن .و سلێمانی بێتەوە سەرخەتی هەولێری پایتەخت .
ئێواره‌ی رۆژی 3ی مانگی 11ی ساڵی 2017 یش رێكس تێله‌رسه‌ن له‌ په‌یوه‌ندییه‌ ته‌له‌فۆنییه‌كه‌ی بۆ نێچیرڤان بارزانی سه‌رۆكی حكومه‌تی هه‌رێمی كوردستان ، پشتیوانی خۆی بۆ ماڤه‌ده‌ستوورییه‌كانی حكومه‌تی هه‌رێمی كوردستان دوپاتكرده‌وه‌ .
ئه‌مانه‌ گه‌ر باگا هاتنی ئه‌مریكا بن له‌ خه‌وی غه‌فله‌تی به‌رژه‌وه‌ندییان له‌دوای داستانی پردێ له‌ 20ی ئۆكتۆبه‌ردا . ئه‌وه‌ی دۆست و دوژمن ده‌بێ بیزانێ قاره‌مانانی داستانی پردێ ، خودان ئه‌زموون و هه‌ڵگری كه‌لتووری شۆرشگێری و مەردانەی دوێنین،لەوانەش،لەمێژووی نزیکداهەڵگری کەڵتوروفەرهەنگی شۆرش و گیانی بەرزی بەرخودانی(داستانی کۆڕێی ناوجەرگەی کۆڕەوی1991) ن.
گه‌ر داستانی كۆڕێ بریاری 688 ی ئه‌نجومه‌نی ئاسایشی پێ له‌دایك بوو ، داستانی پردێ بریاری مه‌زتر له‌ 688 ی ئه‌نجومه‌نی ئاسایشی لێده‌كه‌وێته‌وه‌ .
ڕۆژان ، ڕۆژی له‌دوا بوو وا گەیشتینە ئەمڕۆ ، کورد نەچەمایەوەو ناچەمێتەوە و لەدوای داستانی پردێ مەزنتر و باوەردارتر بەرەو سەربەخۆیی هەنگاو دەنێ .
هەولێر 20-10-2022