بەهۆی بارانبارینی وەرزی لە هەرێمی بەلووچستانی پاکستان بەلایەنی کەم 188 کەس گیانیان لەدەستدا.

ڕاوێژکاری سەرۆک وەزیرانی هەرێمی بەلوچستان بۆ کاروباری ناوخۆی پاکستان ڕایگەیاند: كە بەهۆی بارانبارینی زۆرەوە تا ئێستا 188 کەس گیانیان لەدەستداوە و نزیکەی 40 هەزار یەکەی نیشتەجێبوون زیانیان پێگەیشتووە.

ئەو گوتیشی: دوو هەزار و 100 کیلۆمەتر ڕێگای گشتی و 25 پرد زیانیان بەرکەوتوو و 4 بەنداوی گەورە و بچووکیش وێران بوون بەهۆی بارانبارینی زۆر و لافاو لە بەلووچستان .

پاکستان چەند هەفتەیەکە شاهیدی لافاوێكی بەرفراوان بووە، لەگەڵ بای توند و بارانبارینی بەردەوامی وەرزی کە زۆربەی شارەکانی ئەو وڵاتەی ژێرئاو کردووە.

 

 

 

گوڵان: سەردار خەلیل