خوەنیشاندان هەر وەكو ژ ناڤێ وێ دیارە  ب ڕامانا كومبوون ،نەڕازی بوون،نەڤیان نەخوەستن ئو ژ هەمیا گرنگتر گوهڕین یان چاکسازییان دهێت، لێ د چ دەمەكدا ؟؟!!

جار هەیە ئەڤ خوەنیشاندانە د ناڤا چڤاکی ژی ڕویی ددەت،ڕەنگە دناڤا کارگە و فابریكە و کۆمپانیایێن مەزن ژی چێببە،جار هەیە دناڤا قوتابخانەیان و خوە د داموودەزگەهێن دەستهەڵاتێ ئەگەر چێبوونا خوەنیشاندانان هەیە و ب جار هەبوویە هەر خوەنیشاندان بۆ كارەك یان تشتەك یا كێماسییەك ل ژێر پەردەیا مانگرنتێ، ڤێجا ئان نەڕازان و یان ژی نەخوارن و نە ڤەخوارن هەتایە ئەنجامدان نێ ئەو ژی خوە ژ خوە جورەك ل خوەنشاندانە نێ ب ناڤ و ڕەنگەك جوودا و تا دویماهی......... خوە ئەگەر وە ڕاستی دڤێت خوەنیشاندان جار لازمە كو بهیت ئەنجام دان و جار ژی هەیە نەحەوجەیە كو ئەو ژی دیسان ڤەدگەڕیت سەر دەم و ڕەوشا ناڤچە و شێوازێ حوكمڕانیا دەستهەڵات و ڕەفتارا جڤاكی.

د گەل ڤێ چەندێ ژیدا خوەنیشاندان مافێ سەرەكی و سروشتییی هەر گەل و نەتەوەیەك و هەر گروپ و دەستە و ئالییەك و كەسەك ئێ ناڤا جڤاكە كو داخوازا وی مافێ خوە بكەت ئەوێ كو ل با ویڤە وەسا دبینیت كو ژێڕە نەهاتیە دان، لێ ئەم دپرسین كا ژ بۆ چ داخوزا مافكرن و چوو مافەك و ئو چاوا؟؟؟

هون دەرفەتەك بدەن من هەیا كو ئەز بەری ڤێ نڤیسا خوە تشتەك ژ وەڕە بێژم، ئەڤ گوتنە و ئەڤ بەحسە،گوتن و بەحسەك سەر گەل و نەتەویێ كوردە، لەوما ئەز دبێژم و هەیاكو دهێت بیرا من هەر ل باب و كالان ڕە بگرە ئو تا نها ژی وان دگووت و ئەم ژی ئا نها ژی دبێژین و ناڤێن مینا(مەلا ئیدریسێ بەدلیسی،شێحخ عەبدوڵایێ نەهری، شیخ مەحموودێ حەفید، شێخێ پیران شیخ سەعیدێ نەمر، شیخ ئەحمەدێ بارزانی، سەرۆك قازی محەمەد و تا دگەهیت مەلا مستەفایی بارزان ل سەر لێڤێت مە نەسەكنینە و مینا نەنیشتێ ناڤا دەڤی مە ناڤێن وان جووهینە كو ب درێژاهیا دیروكا كو ئەم دزانین و هەیا ڤێ قوناخا كو نها ئەم دناڤداین مە بهیستیە و مە زانیە و ژ مەڕە هاتیە گووتن كو ئەڤ دەستكەفت و ب دەستڤەئانینا ئا نها ئەم دەیندارێ وانین كو ژ مەڕە خەبتینە ژ بووی كو ب هەڤگرتن و ئێكبوونا خە بكاربین بگەهین وان ئارمانجێن كو ب سەدان ڕەنگە ب هەزاران سالە ل دویڤدا ئاوارە سەرگەرادنین و ئەڤا ئا نها ژی هەیە ب هەسانی ب دەستڤە نەهاتیە.

بلا ئەز ژ وە ڕە بێژم، من ئەڤ كورتیا نڤیسا سەرڤە ئانی زمان ژ بەر كو بێژم تەڤی وان سەركردەیێن كو مە ناڤێ وان ئانی،كەس و ناڤێت دیروكا پڕئازار مەنە،وان ژی هەر دخوازا مافێ ڕەوایێ خوە و گەلێ خوە كرییە و هەر دەم دگووت كو ژ بو گەهشتن ب داخواز و مافێت خوە، ژ بو هەبوون چێ بوونا دەولەتەك سەربخوە كو مافێ مەیە دڤێت بخەبتین و ئێكدەنگ ز ئێك ڕەنگ و ئێك زمان و ئێك هزر بین.

ڤێجا تو ژ من مێزە كە كا ئەزێ چ بێژم،بهینە خەیالا خوە كو ئەز بگەهم و سفرەیەك و ئان ژی ماسەیەك مەزن دەینم و تەڤ خارنێن ڕەن ب ڕەنگ و جوان ئاماد و بكەم و ژ نشكڤەك كەس بهێت و خوە ژ ماسەیا من ڕازاندی بكەت خودان، باشە هون بێژن ئەڤە دبە؟ ئو دبە كو هوسا بیت؟؟؟!!!

باشە پا كانی زەحمەتا من؟؟؟؟ كانی خوەهدانا ئەنییا من و خوە ماندی كرن و خەبتینا من؟؟؟ هون نابێژن باشە ئەڤ هەموو ماندی بوون و حازر كرنا ڤێ ماسەیا ڕەنگ ب ڕەنگ چوولێهات؟؟؟

ئەزێ ژ وەڕە بێژم كو چوولێهات!! هون كەسێن چاڤ تەنگ و پوزبلند ژ بەر كو ل بوهایێ ماسەیا ڕازاندیا من بخەن و وێ كێم و چوونەیێ نیشان بدەن و خوە ژێ ڕە بكەن خودان، دێ ڕابن و گل و گازنجان بكەن و هەیا دەمێ كو وەك میهڤانەك ژ دەورێ ماسەیێ كومدبن،ب توو(چوو)خارنەك ڕازی نابن و هەر دخەبتن كو ڤێ خارنێ سڤك بكەن و سڤكیش بدەن نیاسین، جا تو بهینە خەیالا خوە كو ئەڤە ب تنێ ژ بوو مێهڤانداریا ماسەیەكێیە نێ ئەگەر مەرەم و مەرەق و ئارمانج بوو پارە و دەستهەڵات و حوكمڕانی. ل بارا ڤێ هوون بڕیار بدەن.

بلا ڤەگەڕین سەر ماسەیا خوە،باشە ئەگەر ل شوونا ڤان گل و گازنجان، هەر ئیك ژوان ب دەستەك پڕ خارن و ڕازاندن ڤی ماسەیی ب لەزەت تر و ڕەنگین تر بكەت، دێ جیهان و بەروڤاژی بیت، دێ ئەسمان و زەڤی گەهن هەڤ؟؟؟ دپرسم باشە ما وی دەمی ژی هەر دێ گل و گازنجا كەن و نەڕازی بن؟؟؟؟؟؟

ئەز بێژم بەروڤاژی دێ كەنا وان زێدەتر بیت، دێ كەیفا دڵێ وان خوەشتر بیت، ژ بەر كو وی دەمی خەلكەك خوەشی ل خارنێ وەردگرین و ب بەژن و بالا خوەدانێ چێكرنان ڕە دبێژن و كەیفا هەمیان ساز دبیت، ئەڤە هەم وان سەرفیراز و سەربلند دكەت و هەم ژی خەلكەك بیانی ژی ب چاڤە رێزگرتنەك تایبەت ژ وان ڕە دنێڕیت.

ژ بلی ڤێ ژی تو مێزەكە دناڤا ڤان هەموو سالاندا كو ئەم ب مال و حالین، لێ دیسانیش هەر كێماسییێن مە هەنە. د مالباتەكدا سەرۆكێ مالباتێ هەر دخەبتە و پێكولان دكەت ژ بو مالا خوە و زێج و زاروكێن خوە ژ بوی كو بكاربت ژیانەك خوەش ژ وان ڕە چێكەت، لێ نە ب تنێ خێزان و مالبات بەلكی هەر كەسە ك و خزم و دەر و جیناریت وی ژی خو ئەگەر ژیانا وان خوەش نەبت و چوو تشتەك نەبت،د ژ خوەڕە پرسیار كەن و ل ڕێك و دەلیڤەیان گەڕهن و دێ پێكول و خەباتێ كەن هەیا كو بگەهن ئارمانجا دلێ خوە و ئەگەر هات  و ئەندامەك ژ ئەندامێن والێ خوە نەڕازی كرو ناڤ چاڤێن خوە گرێ خستنێ، دڤێت كو ژ وی ڕە ببێژن و وی تێبگەهین هەیا كو فێم بكەت كو ئەڤ مالا تێدا ڕوونشتی ب ساناهی و هەر ژ خوەڕە چێنەبوویە هەیا كو دەرفەت ژ وی ڕە بهێت دان كو بكەڤیت ناڤا مالێ ئەوا ل دەست وی چێدبە ژ بو خراب كرنا وی بكەت، نەخێر ئەڤ چەندە نابیت و قەت نابیت.

ئەڤ نموونە من ژ وەڕە ژ بو چ ئانین؟؟ ژ بوی كو هن بزانبن كو گەل و نەتەوەیێ كورد كو زولم و ستەم ژێڕە هاتیە كرن،تا گەهانا ڤێ قوناخێ بابێ وی سووتیە،بەرخوەدان كرییە و خوێن ڕشتیە و ڕحێن جهێل و زاروك و كەچ و ژنان ب ئاخ كرییە، ئەو گەل و نەتەوەیێ كو دیروكا مێر مەزنێن كو من ل بارا وان ڕە گووتبوو و هەروەسا شێخ و موریدێن بارزان هەیە هەر ئەو بوون كو نها مە شوونەك هەیە ب ناڤێ كوردستان ، كو مە نیشتیمانەك جوان و ڕەنگین هەیە كو دیروكا جیهانێ ل بارا وی دبێژە، ڕەنگە كەنا تە ب ڤان ئاخفتنان دهێت لێ ئەگەر تو دیروكا كوردان پشتڕاست بو كو جیهان دیروكا تە مینا كوردەك باش دزانیت. پشتی بوورینا ب سالان ئیش و ئازار و دەربدەری مە هەرێمەك هەیە جوان و قەنج و ئارام، پشتی ڤان سالێن نەخوەش ژ بو گەل و نیشتیمان مە نها بەهەشتەك هەیە، بلا بەهەشتا مە بچووكیش بیت نێ هەر جوان و ئارام و قەنجە، ژ چ سەبەب ئەم ڤێ بەهەشتێ ژ خوە ڕە تاڵ و ترش بكەین، ژ بوی چ وێ خراپ كەین.

بەهەشتا من و تە و دڤێت كو ئەم ب هەڤ ڕە وەكی كوردەك، وی ستەملێكرییەك قەدر و قیمەت و نرخ و بوهایێ وێ بزانین ، دڤێت كو ئەم ب هەڤڕە بخەبتین و پێكولان بكەین ژ بو كو ژیانەكەا شكودار و هەژی و سادە و خوەش چێكەین. دڤێت كو ئەم دەست بخەین ناڤ دەستێ هەڤ ئو ب ئێك دەنگی و ب ئێك گرتن و ب ڕێزڤە ماسەیا خوە بڕازینین و ڕەنگ ب ڕەنگ بكەین. دڤێت كو مفا ژ هەڤ، ژ هزر و بیرێن هەڤ وەربگرین، دڤێت بخەبتین بز ژیانەك ئاسوودە و پرشنگدار، ژیانەك خوەش و زەلال، نەڕین و دیتنین هەڤ  بزانین و ژ وان ڕە تێبگەهین، بڕوونین و جڤینان پێك بینین و ب هەڤ ڕە بئاخڤین هەیا كو بزانین چ ژ وەڕە باشە كو بكارین ڤی گەلی ستەملێكری ڤەحەوینین،چارەنڤیسا وان خوەشتر بكەین و وان  بەرەڤ ڕوناهیان ببەین،بلا ئەم ژ هەڤڕە ببین چرایەك گەش و ڕووهنی دەر،هەیا كو بكاربین ئارمانجا مەزن بئافڕینین، ڤێجا هەكە مە ئارمانجا مەزن چێكر و ئەم ئافڕاند، چوو نینە ئەگەر تو، ئەز،ئەو و هەر كەسەك گل و گازنجان بكەت، نێ دەما كو ئەز دبینم نها وەڵاتێ من ئاڤایە، كار ژێڕە دهێت كرن،جادە و ڕێگە و بان چیدبن،پڕۆژێن بچوویك و مەزن هەنە، كەرتێ گەشتیاری دخەەبتە، پشكا كشتوكال و ڕەز و باخان هەیە،ئەز تیناگەهم دڤێت خوەنشاندانا ل سەر چوو بنەمایەك بكەین،خو ڕاستە كێماسی هەنە و چوو جاران كێماسی پڕ نابن و خوە د مالەك ژی تو نكاری بێژی تە هەموو تشتێ ناڤا مالێ بێی كێماسی هەیە،كێماسی د هەر جهەك دا هەیە، ل هەر شوونەك دبیت كو كیماسی چێببە، نێ ڕێكا چارەسەر كنا كێماسییان نە خوە نیشاندانە، بەروڤاژی كلیلا چارەسەریا كێماسییان ئاخفتن و جڤین و گوهڕینا هزر و بیرانە،لیدەر و سەركردەیێن مە ئەگەر سەبرا وان هەبت و ب ئاقلی و هوشیاری ب هەڤڕە تامول بكەن، چوو گومانەك نینە كو دێ كلیلا چارەسەركرنێ ڤەبینن، نێ ب من ڕە هن لیدەر و سەركردەیێن مە بێهنا دولارێن شین و مەنسەب و  پلە و پاسە و دەستهەڵات گرتنێ هزر و مەژیی وان بەتاڵكرییە و ژ بلی دولار و كوشك و دەستهەلات گرتنی چوو تشتەك دی نابینن و ژێڕە نافكرن.دبیژی ل بیرا وان چوویە كو بەری چەند سالا ئەو ژی دگەل ڤی خەلكی ئاوارە و دەربدەر و ڕیڤینگێ چیا و دەشت و دولا بوویە.ئەو ژی قوربانییی ئەنفال و كیمیا باران و زیندان و سێدارەیان بوویە،ئەو ژی ئاوارەیەك دەربدەر ل كولان و جادەیێن خەلكێ بیانی بوویە، خو مەزنترین دەستەهەڵاتدارێ ڤێ كوردستانێ كییە دڤێت بزانیت كو ژ وی ڕە ژی هاتیە گووتن ئاوارە و پەنابەر، لەوما بلا ئەم وەڵاتی خوە ب هزرێن ڕزی و خراپ ویران نەكەین، بلا جارەك دی دەربدەر و ئاوارە نەبین، بلا جارەك دی نەكەڤین و چوول و چیان.بلا رێزا ماندی بوونا خەباتكارێن خوە،ڕێزا شەهیدێن خوە،رێزا زارویی چەند هەیڤی د بن وێرانەیێن بومبە بارانان، زارویێ كو مەمكێ دەیكا وێ د دەڤێ ویدایە و دگەل دەیكا خوە گیانی وان هشك بوویە بگرین. ئەگەر ئەوا كو ب سەرێ مە هاتی ئەم بكەین داستان و دیروك و جار جار لاپەڕێن وێ دیروكا نەشیرین هەلدەین و تیدا بفكرین،چوو گومانەك نییە كو ناڤێ خوەنیشاندانان ناهینین بو مەرەما تیكدان و وێران كرن و نەهێلانا دەستكەفتان.

ل دویماهیكێ دبێژم، تو ئەو كەسێ دبێژی خوەنیشاندان ڕەوایە،ئەو كەسێ كو دبێژی زوولم ل تە دهێت كرن، ئایا تە ئەو زولما ل باب و باپیر و گەلی تە هاتیە كرن، تە زانیە، تە دیتیە،ئایا چ جارا جەرگێ تە سووتیە، خوشكا تە، ەیكاتە، زارویی شەشە هەیڤێ تە ب چەكان هشك بوویە، بێ ڕح بوویە،ئایا تە دەستدرێژیا سەر دەیك و خوشك و ژن و كەسو كارێن خوە دیتیە؟؟؟!!!! نەخێر تە نەدیتیە و هیڤیە كو تو چوو جارا ژی نەبینی،ژ بەر كو دەردەك گرانە، ئێش و ئازارەكە كو دویماهیك ناهێت، لەوما ڕحا دلێ من، خەلكێ من،بتە دڤێت كێماسی نەمینن،تو دخوازی خزمەت بكەی، دێ كەرمكە، ئەڤە گەز و ئەڤە كراس و ئەڤ ژی مقەس، وەرە ئاڤا كە، بئاخڤە، بەس مەردانە و ب زەلامینی بئاخفە،ژ دل بخەبتە، تو دكاری چیكەی ئاا  دێ كەرمكە مەیدانێ و ڕێكا چارەسەر كرنی پێشكەش كە، بەس وێران نەكە، نەهەڕفینە،بریندار نەكە،ژ بەر كو هەكە بریندار بوو یان ژی تە هەڕفاند ئەوێن من  ل بارا ئێش و ئازارن گووت تە چ گومان نەبیت كوو دهیت سەرێ تە و هەموو گەل و نیشتیمانی من و تە، لەوما بلا ئەم ل دیروكێ ژ خوە ڕە شیرەت و پەند و ئاموژگاریان وەرگرین و دیروكا مە ببیت ماموستی مە هەیا كو بكارین بمینین و بمینین.