لە ماوەی ڕابردوودا پاركی گڵكەندی شاری هەولێر بە شێوازێكی مۆدێرن نۆژەن كرایەوە، لە سەردانێكدا بۆ پاركەكە، ئومێد خۆشناو، پارێزگارى هەولێر بەیاوەریى جێگرانى پارێزگار و سەرۆکى شارەوانى و بەڕێوەبەرى ئەندازەى پارک و باخچەکانى هەولێر، پارکەكەی بەسەرکردەوە کە لەئێستادا بەڕووى هاووڵاتییاندا کراوەتەوە.

 

پارێزگارى هەولێر لە گوتەیەكدا وێڕاى دەست خۆشى لە سەرپەرشتیار و ئەندازیار و ئەو کرێکارانەى لە نۆژەنکردنەوەى پارکەکەدا کاریان کردووە، دووپاتی كردەوە كە چارەسەری سەرجەم ئەو کەم کوڕیانە دەكەن كە تا ئێستا ماون ،

 

جێی وەبیرهێنانەوەیە كە  پارکى گڵکەندی هەولێر یەكەم جار بەردی بناغەی  لە ساڵى 1965 دانراوە و لە لە ئاداری ساڵی 1968 تەواوكراوە، ئەو سەردەمە بەئامادەبوونى خەڵکێکی زۆری شار لە ڕێوڕەسمێکدا کراوەتەوە و بە یەکێک لە باخچە هەرە جوانەکانی شاری هەولێر دەژمێردرێت، ئێستاش دواى نۆژەنکردنەوەى بەڕووى هاوڵاتییانی خۆشەویستی شارەكەدا کراوەتەوە.