لە ئەنجامی پەلاماری تیرۆریستی لە ناوچە جیاجیاکانی مالی بەلانی کەم ٦٦ کەس گیانیان لە دەست داوە.

ڕاید سلێمان دیمبیلی، بەرپرسی ڕاگەیاندنی سوپای مالی لە بەیاننامەیەکدا ڕایگەیاند: كە ناوچە جیاجیاکانی شارەکانی «سافاری»، «سوکولو» و «کالومبا»ی ئەو وڵاتە لەلایەن تیرۆریستانەوە هێرشیان  كراوەتەسەر.

ئەوەشی خستەڕوو، کە لەو هێرشانەدا بەلایەنی کەم  66 کەس کوژراون کە 15 لە كوژراوەكان سەربازن و 25 سەربازی دیکەش برینداربوون.

لەدرێژی قسەكانیدا گوتی: لەم چەند ڕۆژەی دواییدا هێرشەکان بۆسەر ناوەندەکانی سوپای مالی لە ناوچە جیاجیاکانی ئەو  وڵاتە زیادی کردووە.

پێویستە ئاماژە بەوە بكرێت كە بورکینا فاسۆ و مالی و نیجەر لەم چەند ساڵەی ڕابردوودا شاهیدی هێرشی گرووپە تیرۆریستییەکانی سەر بە ئەلقاعیدە و داعش بوون.

سەرەڕای بوونی نوێنەرایەتییە سەربازییە بیانیانییەكان لە مالی، گروپە تیرۆریستەکان لە ساڵی 2013ەوە بەردەوام بوون لە ئەنجامدانی هێرشەکانیان لەو وڵاتە.

 

 

 

گوڵان: سەردار خەلیل