ئەمریکا فڕۆکەی جەنگیی ئێف ٣٥ بە ئەڵمانیا دەفرۆشێت
وەزارەتی دەرەوەی ئەمەریکا ڕەزامەندی دەربڕیوە لەسەر فرۆشتنی 35 فڕۆکەی جەنگیی ئێف-35 و تەقەمەنی پەیوەندیدار بە ئەڵمانیا بە بەهای 8 ملیار و 400 ملیۆن دۆلار.
ئاژانسی هاریکاریی ئاسایشی بەرگریی ئەمریکا بەیاننامەیەکی بڵاوکردەوە و ڕایگەیاند: وەزارەتی دەرەوەی ئەمریكا بڕیاریدا لەسەر فرۆشتنی فڕۆكەی جەنگیی ئێف-35 و کەلوپەلی پەیوەندیدار و تەقەمەنی بە ئەڵمانیا، بەهای نزیکەی 8 ملیار و 400 ملیۆن دۆلار.
ئەم ڕێكخراوە ڕایگەیاندووە: لەم ڕووە وه ئەمریکا 35 فڕۆکەی جەنگیی ئێف-35 بە توانای بەرزبوونەوە و نیشتنەوەی ئاسایی، 37 بزوێنەری یەدەگ، ژمارەیەکی زۆر لە چەک و تەقەمەنی بە كالیبەر و توانای جیاواز، کەرەستەی دیكەی پێویست بە ئەڵمانیا دەفرۆشێت.
گوڵان: سەردار خەلیل
