ئەگەر ئاوریەکێ ل دیرۆکا دەستپێکا دروستبوونا ئێراقێ هەتا دیرۆکا هەڤچەرخا ئێراقێ بکەین، هزرا پولیتیکی یا ئێراقێ نەهاتیە گۆهەرین و چ گۆهەرین د هزرا پولیتیکی یا تاکێ ئێراقی دا دروست نەبوویە و نەهاتیە کرن بەرامبەری نەتەوا کورد کو ب حاقدانە کار و کریارێن خۆ یێن پولیتیکی و لەشکەری و ئابووری بەرامبەر هەرێما کوردستانێ ئەنجام ددەت، ژ بەری سالا ٢٠٠٤ و پشتی سالا ٢٠٠٤ دەمێ هەرێما کوردستانێ دانپێدانا نیڤدەولەتی یا سەربەخویا قەوارێ پولیتیکی یێ هەرێما کوردستانێ وەرگرتی ژی هەردەم دکەڤیتە ژێر هەرەشێن ئابووری، پولیتیکی، لەشکەری و هێزێن چەکداری یێن نە یاسایی یێن وەلاتێن کولونیالیستی و ژ شەرێ داعش هەتا نها ژی ئێراقێ هەرێما کوردستانێ بێ بەهرنەکریە ژ دورپێچێن پولیتیکی، ئابووری و لەشکەری، هیچ جارەکێ دەولەتا ئیراقێ یا شوفینیستی د چ کاودانان دا هەتا پەیڤەک ژی د بەرژەوەندیا خەلکێ هەرێما کوردستانێ دا نە گوتیە ژبلی خوارنا مافێ هاولاتیێن هەرێمێ و دژاتیا قەوارێ پولیتیکی یێ هەرێمێ. هەر چەند ئێراقێ دژاتیا هەرێما کوردستانێ کریە و دکەت کەفتنێ د ئارمانجێن خو دا ئینایە و دئینیت، چونکی هەرێما کوردستانێ هەرێمەکا دیموکراسی یە و بهێزە و خودان هاولاتیێن بهێزن و خودان هزرەکا پولیتیکی یا بهێز و دیپلوماتکارێن بهێزن و ژ بۆ نەتەوە و پاراستنا مافێن هاولاتیێن خۆ کاردکەن، ژ بەر وێ یەکێ ئێراق لاواز دبیت کەفتنێ دئینیت د ئارمانجێن خو دا بەرامبەر هەرێما کوردستانێ، ژبەر کو دیپلوماتکارێن ئیراقێ دبەرژەوەندیا ئێراقێ دا کارناکەن بەلکی د بەرژەوەندیا خۆ یا تاکە کەسی و بەرژەوەندیا دەولەتا ئیرانێ و تورکیا دا کاردکەن. سەرنج ئەگەر دیپلوماتکارێن ئێراقێ تایبەت " نوری مالکی " د بەرژەوەندیا خۆ یا تاکە کەسی و بەرژەوەندیا دەولەتا ئیرانێ دا نەبایە وەکی هێزەکا " میلیشی " و بچەک ڤە نە دەردکەفتن ددەمەکێ دا کو یا ژ یاسایێ دیرە و نە ژ رەوشتێ دیپلوماتکارەکێ یە کو بهێتە کاندیدکرن بو سەروک وەزیرێ دەولەتەکێ! دیسا " مالکی " ب پاڵپشتی یا ئیرانێ د کیفێ " حاکمەکێ دکتاتور و مەرجەعێ سیاسی بۆ ئێراقێ" ببیتە سەرۆک وەزیر ب وێ مەبەستێ هەرێما کوردستانێ ڵاواز بکەت. دیسا ژی چ جوداهیەک نینە دناڤبەرا هزرا پولیتیکی یا " موقتەدا سەدر " و " نوری مالکی " دا چونکی هزرا پولیتیکی یا تاکێ ئیراقی ناهێتە گوهەرین بەرامبەر کوردان و هەرێما کوردستانێ دا، ژ بەر کو ئەگەر " موقتەدا سەدر " ژی ببیتە سەرۆک وەزیر د کیفێ " حاکمێ دکتاتور و مەرجعێ ئولی بۆ ئێراقێ ". لێ هەڤپەیمانیا " پارتی دیموکراتی کوردستان" دگەل " سەدریان " پێنگاڤەکا باشە و دبەرژەوەندیا هەرێما کوردستانێ دا یە، چونکی " سەدری " و " مالکی " دێ دژاتیا دناڤبەرا وان دا توندتر بیت دێ بیتە ئەگەر کو " مالکی " ڵاواز ببیت و دژاتی و نەئێکگرتنا دناڤبەرا " مالکی " و " سەدر "ــیان دا دێ بیتە ئەگەرێ نە ئێکگرتنا شیعەیان و دێ عەبادی ژی هێتە سزادان ئەڤە ژی د بەرژەوەندیا هەرێما کوردستانێ دا، چونکی چەند ئیراق ڵاوازتر بیت کوردستان بهێز ترە ئەڤ یەکە ژی ڤەدگەریت ژ بۆ ڕۆڵێ بهێزێ پۆلیتیکی یێ دیپلوماتکار و لێڤەگەرێ کوردان.