بەهۆی بارانبارین لە پاکستان ٣٤٣ کەس گیانیانلەدەستدا
میدیاکانی پاکستان بڵاویان کردەوە، كەلە ئەنجامی بارانبارینی زۆر لە پاکستان، كەلە سەرەتای مانگی حوزەیرانەوە بەردەوامە، لە ویلایەتی پنجاب ، لە ناوچەی گلگت، بەلتستان ، لە ناوچەی جامو و کەشمیر ، ناوچەی سند و خەیبەر پەختونخوا، تا ئێستا بەلایەنی کەم 343 کەس گیانیان لەدەستداوە.
ڕاشیانگەیاند: كەبەهۆی لافاوەوە 8 هەزار و 623 خانوو زیانیان بەرکەوتووە و 3313 خانووش بەتەواوی وێران بوون، لە بەلوچستان و ناوچەی جامو و کەشمیریش زیاتر لە 1500 ئاژەڵی کێڵگەیی لەناو چوون.
گوڵان: سەردار خەلیل
