شاكێرا و جێرارد پیكێ بە فەرمی جیابوونەوە
![شاكێرا و جێرارد پیكێ بە فەرمی جیابوونەوە](https://gulanmedia.com/public/images/posts/20220604210918_original_41.jpg )
ئەگەرچی لەم چەند ڕۆژەدا هەواڵی جیابوونەوەی (شاكێرا) خانمە ئەستێرەی جیهانی و(جیرارد پیكێ) ئەستێرەی یانەی بارسیلۆنای ئیسپانی بڵاوبوویەوە, بەڵام دواجار ئەم هەواڵە لەلایەن ئەم دوو هاوژینەوە پشتراست كرایەوە .
بەپێی ئەو هەواڵانەی كەلە ئێستادا لە ماڵپەڕە جیهانییەكانەوە بڵاوبۆوتەوە, شاكێرا و جیرارد پیكێ بە فەرمی لەیەكتر جیابوونەوەو كۆتاییان بە پڕۆسەی هاوسەرگیرییەكەیان هێنا كە پەیوەندییەكەیان 12 ساڵی خایاند .
هەرچەندە هۆكاری ئەم جیابوونەوەیە ئاشكرا نەكرا, بەڵام ئەم دوو ئەستێرە جیهانییە ئاماژەیان پێدا كە ئەم جیابوونەوەیە لە بەرژەوەندی منداڵەكانیانەو پێویستە باشترین بۆ ئەوان ئەنجام بدرێت و ڕێز لە تایبەتمەندییەكانیان بگیرێت .
![شاكێرا و جێرارد پیكێ بە فەرمی جیابوونەوە](https://gulanmedia.com/public/images/posts/20220604210841_big_770x552_26.jpg )
بەڵام لە چەند سەرچاوەیەكی میدیایی ئیسپانی هاتووە كە جێرارد پیكێ خیانەتی لە شاكێرا كردووەو پەیوەندی لەگەڵ دایكی یاریزانێكی لاوی یانەی بارسیلۆنا هەیەو هەر ئەم پەیوەندییەش بۆوتە هۆكاری هەڵوەشاندنەوەی پڕۆسەی هاوسەرگیرییەكەیان .
شایەنی باسە..پێش بڵاوبوونەوەی هەواڵی جیابوونەوەیان,سەبارەت بە بینینی ئۆمبۆڵانس لە بەردەم ماڵی ئەم دوو ئەستێرەیە دەنگۆی ئەوە بڵاوبۆوە كە شاكێرا بە خیانەتی پیكێ دەزانێت و لەبەر ئەم هۆكارە تەندرووستی تێكچووە و ڕەوانەی نەخۆشخانە كراوە, بەڵام دواجار شاكێرا بە بڵاوكردنەوەی وێنەیەك لەگەڵ باوكیدا لە تۆڕە كۆمەڵایەتییەكان ڕاستیەكەی ئاشكرا كرد و ڕایگەیاند كە باوكی تووشی ڕووداوی بەربوونەوە هات و بوونی ئۆتۆمبێڵی فریاكەوتن پەیوەندی بە خودی ئەوەوە نییە .
ئاسۆ كاكەیی
![شاكێرا و جێرارد پیكێ بە فەرمی جیابوونەوە](https://gulanmedia.com/public/images/posts/20220604210903_big_770x552_12.jpg )