شەپۆلێکی گەرمیی زۆر زوو هیندستان و پاکستانی گرتووەتەوە
![شەپۆلێکی گەرمیی زۆر زوو هیندستان و پاکستانی گرتووەتەوە](https://gulanmedia.com/public/images/posts/20220428213302_original_38.jpg )
ئاژانسی هەواڵی فەڕەنسا بڵاوی كردووەتەوە، كە ئەم ساڵ گەرما زۆر زوو گەیشتووەتە هیندستان و پاکستان، بەجۆرێك هەتا سەرۆک وەزیرانی هیندستان هۆشداریدا لە مەترسی ئاگرە بەربڵاوەکانی ئەو وڵاتە.
گەرمایەكی چڕ لەم هەفتەیەدا زۆربەی ناوچەكانی هیندستان و پاکستانی گرتووەتەوە، كە دەبێتە گەرمترین مانگ لە مێژووی وڵاتەكەدا بە بەراورد لەگەڵ 122 ساڵ لەمەوپێش كە بەشی کەشناسی هیندستان ئاماری پلەی گەرمی ڕۆژانەی تۆمار کردووە.
زاناکان دەڵێن: زیاتر لە ملیارێک کەس لە مەترسیدان بەهۆی کاریگەرییە تەندروستییەکانی گەرماوە، لە شاری نیودەلهی پایتەخت، بۆ ماوەی چەند ڕۆژێک پلەی گەرمی گەیشتە زیاتر لە 40 پلە و پێشبینی دەکرێت کە تا ڕۆژی یەکشەممە بگاتە نزیکەی 44 پلەی سەدی.
گوڵان: سەردار خەلیل