بەرەبەیانی ڕۆژی دووشەممە 31ی کانوونی دووەم لە کاتی پشکنینی شەوانە و بازگەی هاتووچۆی ڕۆتینیدا دوو ئەفسەری پۆلیسی ڕۆژئاوای ئەڵمانیا بە فیشەک کوژران.

دەوترێت هێرشبەرەکان لە شوێنی ڕووداوەكە هەڵهاتوون و هێشتا پۆلیس هیچ بەڵگەیەكی سەلمێنەری ئەو تاوانەی دەست نەكەوتووە. 

تەقەکردنەکە لە دەوروبەری کاتژمێر 4:20 خولەک لە سەر ڕێگای لادێ یەك نزیک ناوچەی کۆزلی ڕۆژئاوای ئەڵمانیا ڕوویدا و دوو ئەفسەری پۆلیس و پیاوێکی تەمەن 29 ساڵ و ژنێکی تەمەن 24 ساڵ گوژران.

پۆلیس دەڵێت: ئەوان تا ئێستا هیچ بەڵگەیەکی ڕاستەقینەیان نییە سەبارەت بە ئەنجامدەران یان ئەو ڕێگایەی کە لێیەوە هەڵهاتوون.

پۆلیس لە بەیاننامەیەکدا ڕایگەیاند: کە لێكۆڵینەوە لە شوێنی ڕووداوەكە دەكەن و بەڵگە کۆ دەکەنەوە، هەرچەندە ناسنامەی ڕاستەقینەی هێرشبەرەکان و ئەو ئۆتۆمبێلەی کە لەلایەن ئەوانەوە بەکارهاتووە نازانن و بەلایەنی کەمەوە یەکێک لە ئەنجامدەران چەکدار بووە.

یەکێتی کارمەندانی پۆلیسی ئەڵمانیا، ( GDP)  نیگەرانیی خۆیان بۆ ئەم ڕووداوە دەربڕی و هیوایان خواست بە زووترین کات تاوانباران دەستگیر بکرێن.

 پۆلیس داوای لە خەڵکی ناوچەکە کردووە  بۆ هەر زانیارییەك یان هەرشتێكی گومان لێكراو پۆلیس ئاگادار بکەنەوە.

 شاری کۆزل دەکەوێتە ویلایەتی ڕاینلاند-فالتزدر، لە 150 کیلۆمەتری باشووری فرانکفۆرت، لە نزیک سنووری فەرەنسا- لوکسەمبۆرگ.

 

 

 

گوڵان: سەردار خەلیل