مەسرور بارزانی لە هەژماری خۆیدا لە تۆڕی كۆمەڵایەتیی (تویتەر) نووسیویەتی "بەتوندترین شێوە هێرشە تیرۆریستییەكانی ئەمڕۆی سەر فڕۆكەخانەی نێودەوڵەتیی بەغدا سەركۆنە دەكەم، داوا لە سەركردە عێراقییەكان دەكەم بەگشتی هێرشەكە سەركۆنە بكەن".

سەرۆكی حكوومەت هەروەها نووسیویەتی "دووبارەبوونەوەی هێرشەكان، ئەوانەش كە پێشتر كرانە سەر فڕۆكەخانەی نێودەوڵەتیی هەولێر، هەڕەشەیە بۆ سەر وڵاتەكە و گەلەكانی و ئاسایشی هاوبەشمان".