ئەگەر چی بۆ ماوەیەك پڕۆژەی خێزان و سینەما ڕاوەستا, بەڵام لە ئێستادا بۆ هەفتەی هەشتەم ئەم پڕۆژەیە بەردەوامی هەیەو فیلمێكی نوێی دیكە بۆ كۆتایی ئەم هەفتەیە دیاری كراوە .

لە درێژەی كارەكانی ڕێكخراوی كوردستان دیاڵۆگ بە هاوبەشی سینەما سالم, پڕۆژەی (خێزان و سینەما) دەستی پێكردەوەو بڕیارە ڕۆژی پێنجشەممە بەرواری 2/12/2021 لە سینەما سالم لە شاری سلێمانی فیلمی (پۆنیۆ) بە خۆڕایی نمایش بكرێت, كە ئامانج لەم پڕۆژەیە بە كەلتووركردنەوەی بینینی خێزانی فیلمە لە سینەمادا .

لە كۆتایی هەموو هەفتەیەك لە سینەما سالم لە دوو كاتی جیاوازدا فیلمی سینەمایی نمایش دەكرێت, بۆ فیلمی ئەم هەفتەیەش 3ی پاشنیوەڕۆ و 8ی شەو دیاری كراوە .