بەڕێوەبەرایەتی گشتی نەهێشتنی ماددە هۆشبەرەکان لە ئەنجومەنی ئاسایشی هەرێمی کوردستان پێنج تۆمەتباریان لەسەر ماددە هۆشبەرەكان لە شاری هەولێر دەستگیركردوە.
بەرێوەبەرایەتی گشتی نەهێشتنی ماددە هۆشبەرەكان رایگەیاند کە لەچەندین بەدواداچوون و چالاکییەکانیاندا لەناو شاری هەولێر توانراوە پێنج تۆمەتبار لەسەر ماددە هۆشبەرەكان دەستگیربکەن و دەستبەسەر (124) گرام کریستاڵ و (88) گرام هێرۆین و (34) گرام تلیاک و (7) دانە پایپی بەکارهێنانی ماددەی هۆشبەرەكان دابگرن.
هەروەها لە راگەیاندراوەكەدا باس لەوەشكراوە كە بەپێی ماددە 25 لەیاسای ماددە هۆشبەرەکان ئەوە هەر پێنج تۆمەتبار دۆسیەی لێکۆڵینەوەیان بۆ کراوەتەوە و لەپاشان تۆمەتبارەكان رەوانەی بەردەم دادوەری لێکۆڵینەوە کراون.