لە رووداوێکی هاتوچۆدا شۆفێری ماتۆرسکیلێك گیانی لەدەستدا
وتەبێژی هاتوچۆی هەولێر لە هەژماری فەرمی خۆی لە تۆری کۆمەڵایەتی (فەیسبووک) بڵاویکردووەتەوە: کاتژمێر 4:30 خولەکی ئێوارەی ئەمڕۆ شەممە 23/10/2021، لەسەر ڕێگای سەرەکی هەولێر ـ کەرکووک لە نزیک گوندی مورتکە پێکدادانێک لەنێوان کیا سیراتۆیەکی تایبەت و ماتۆرسکیلێک روویدا کە هەردووکیان بە ئاراستەی کەرکووک دەڕۆیشتن، بەداخەوە لە ئەنجامی رووداوەکەدا شۆفێری ماتۆڕسکیلەکە گیانی لەدەستدا".
ئەوەشی خستووەتە روو: لەکاتی لێکۆڵینەوەدا شۆفێری ماتۆوسکیلەکە بە لایەنی خەتابار دانرا، چونکە لەناکاو ویستبووی پێچبکاتەوە بۆ گەڕانەوە بەرەو هەولێر، بێ رەچاوکردنی ئۆتۆمبێلەکانی دوای، بۆیە لەکاتی پێچکردنەوە کەوتبووە سەر ڕێڕەوی کیاو خۆی پیادا کێشابوو.
