ڕەجەب تەیب ئەردۆغان، سەرۆک کۆماری تورکیا ڕایگەیاندووە، سەرەڕای ناڕەزایی توندی ئەمریکا، بەڵام ئەو سوورە لەسەر کڕینی دووەم سیستمی مووشەکی ڕوسیا.

لە چاوپێکەوتنێکیدا لەگەڵ سی بی ئێس نیوز گوتی: کە پێویستە تورکیا خۆی بڕیار لەسەر سیستەمی بەرگریی خۆی بدات.

ئەردۆغان ئەوەشی گوت کە تورکیا چیتر بڕیاری کڕینی مووشەکی پاتریۆتی درووستکراوی ئەمریکای نییە و ئەمریکا سەرەڕای وەرگرتنی 1.4 ملیار دۆلار بۆ فڕۆکەی ئێف-35 هێشتا ڕەوانەی نەكردووە.

تورکیا كە ئەندامی ناتۆیە لە بەرنامەی فڕۆکەی ئێف -35 کشاوەتەوە و بەرپرسانی بەرگریی ئەو وڵاتە پاش کڕینی سیستەمی بەرگری موشەکی ئێس-400ی درووستکراوی ڕووسیا، بڕیاریان لەسەردا، ئەمەریکا بە توندی دژایەتیی بەکارهێنانی سیستەمی ڕووسی لە ناتۆ دەکات و دەڵێت مەترسی لەسەر فڕۆکە شەڕکەرەکانی ئێف-35 درووست دەکات،  تورکیا پێی وایە کە ئێس-400 دەتوانرێت بە شێوەیەکی سەربەخۆ بەکاربهێنرێت و لە بەر ئەوە پارێزراوە و هیچ مەترسیی لەسەر نییە.

لە پرسیاری ئەوەدا کە ئایا تورکیا ئێس-400ی زیاتر دەکڕێت، ئەردۆغان ڕوونی كردەوە كە بەڵێ، بڕیاریشە هەفتەی داهاتوو لەگەڵ ڤلادیمیر پۆتینی سەرۆكی ڕووسییا کۆببێتەوە.

 

 

 

گوڵان: سەردار خەلیل