خانمە ئەستێرەی دیاری بۆڵیوود (پریانكا چۆپرا) لە تویتێكدا خۆشحاڵی خۆی دەربڕی بەوەی كە لەگەڵ هەردوو هاوڕێ و هاوپیشەی (كاترینا كیف) و (عەلیا بهات) لە فیلمێكی سینەمایی بەشدار دەبێت .

لەم بارەیەوە(كاترینا كیف)ی خانمە ئەستێرەی بۆڵیوود, لە تۆڕی كۆمەڵایەتی ئەنستگرام وێنەیەكی خۆی بڵاوكردەوە كە تێیدا لەگەڵ پریانكا و عەلیا بهات دەردەكەوێت, هەروەها كاترینا بەم كارە سینەماییە خۆشحاڵی خۆی دەربڕی .

عەلیا بهات لەلاین خۆشیەوە ئەویش هەمان وێنەی بڵاوكردەوەو دەڵێت: دوای دوو ساڵ سێ كچەكە لەیەك خەوندا یەكیان گرتەوە .

ئەم فیلمە سینەماییە كە هێشتا كاری وێنەگرتنی ئەنجام نەدراوە بە ناونیشانی (Jee Le Zaraa) دەبێت, هەروەها (فەرحان ئەختەر) كاری دەرهێنانی فیلمەكە ئەنجام دەدات .

ئاسۆ كاكەیی