له‌ماوه‌ی 5 رۆژدا سه‌رجه‌م وه‌زاره‌ته‌كانی هه‌رێم مووچه وه‌رده‌گرن
وابریاره سبه‌ی سێ شه‌مه 25ی ئایاری 2021 وه‌زاره‌تی دارایی حكومه‌تی هه‌رێمی كوردستان ده‌ست به دابه‌شكردنی مووچه‌ی وه‌زاره‌ته‌كان بكات و ، وه‌ك باسی لێوه ده‌كرێت لیستی دابه‌شكردنی مووچه هه‌روه‌ك مانگی پێشوو ده‌بێت و هیچ گۆرانكاریه‌كی به‌سه‌ردا نایه‌ت.
دیاره بڕی داهاتی پێویست بۆ مووچه‌ی ته‌واوی فه‌رمانبه‌رانی كوردستان وه‌ك وه‌زاره‌تی دارایی و ئابوری رایگه‌یاندووه بڕی 895 ملیار دیناره ، به‌ڵام له‌به‌ر ئه‌وه‌ی ئه‌م مانگه‌ش داهاتی هه‌رێمی كوردستان نه‌گه‌یشتۆته ئه‌و بره و ته‌نیا 707 ملیار له‌به‌ر ده‌سته ، بۆیه ئه‌م مانگه‌ش بڕی %79ی مووچه‌ی فه‌رمانبه‌ران و 50% پله تایبه‌ته‌كان دابه‌ش ده‌كرێت .
