وەها بڕیاره‌ ئه‌مڕۆ، شاندێكی هاوبه‌شی یه‌كێتیی نیشیتمانیی كوردستان ‌و پارتیی دیموكراتی كوردستان، سەردانی کۆماری ئیسلامیی ئێران بکەن و بەپێی زانیارییەکانیش سەردانەکە پێوەندیی بە پرسی ئه‌گه‌ری متمانه‌ سه‌ندنه‌وه‌ له‌ سه‌رۆكوه‌زیرانی عێراق، نووری مالیكییەوە هەیە.
سەردانەکە کە وەها بڕیارە جێگری سەرۆکی پارتیی دیموکراتی کوردستان، نێچیرڤان بارزانی، سەرۆکایەتیی بکات دوای بەشداریکرنی ئەوە وەک سەرۆکی حکوومەتی هەرێمی کوردستان بوو لە کۆڕبەندی ئابووریی جیهانیدا کە لە ئیستانبووڵ بەڕێوە چوو.

وەک زانراوە ئامانج له‌ سه‌ردانی وه‌فده‌كه‌ كه‌ له‌ ژماره‌یه‌ك ئه‌ندامی مه‌كته‌بی سیاسیی هه‌ردوو حزب پێك دێت، سەبارەت به ‌بارودۆخ و قه‌یرانی‌ ئێستای‌ عێراق و دۆسێیی‌ لێسه‌ندنه‌وه‌ی‌ متمانه‌ له ‌نووری‌ مالیكی‌یە به ‌تایبه‌تی‌.

پێشتر ئێران یه‌كێك بوو له‌و لایه‌نانه‌ی پشتیوانیی لە مالیكی كرد بۆ وه‌رگرتنی پۆستی سه‌رۆكوه‌زیران.