به‌مه‌به‌ستی تاوتوێكردنی بڕگه‌‌و ماده‌كانی پڕۆژه‌ یاسای دیكۆمێنتپارێزی له‌هه‌رێمی كوردستان-عێراق، سه‌عات 10ی سه‌رله‌به‌یانیی ئه‌مڕۆ 28/12/2011 لێژنه‌ی په‌یوه‌ندییه‌كان‌و ڕۆشنبیری‌و ڕاگه‌یاندن‌و شوێنه‌واره‌كان له‌په‌رله‌مانی كوردستان به‌ئاماده‌بوونی ئاسۆ كه‌ریم سه‌رۆك‌و بڕیارده‌ر‌و ژماره‌یه‌ك له‌ئه‌ندامانی كۆبۆوه‌.

له‌كۆبوونه‌وه‌كه‌دا كه‌به‌ئاماده‌بوونی تارق جامبازئه‌ندامی خولی پێشووی په‌رله‌مانی كوردستان‌و شاره‌زا له‌و بواره‌ به‌رێوه‌چوو ، چه‌ند ماده‌‌و بڕگه‌یه‌كی پڕۆژه‌ یاساكه‌ گفتوگۆی له‌سه‌ر كرا‌و له‌لایه‌ن ئاماده‌بووانه‌وه‌ چه‌ندین راو سه‌رنج‌و تێبینیی پێویست به‌مه‌به‌ستی زیاتر ده‌وڵه‌مه‌ندكردنی پڕۆژه‌ یاساكه‌ خرایه‌ڕِوو.