له‌ چوارچیَوه‌ى سه‌ردانه‌كه‌یدا بۆ عیراق و به‌مه‌به‌ستى پته‌وكردنى په‌یوه‌ندیه‌كانى نێوان هه‌رێمى كوردستان و ولاَتى بوڵگاریا نیوه‌رِۆى ئه‌مرِۆ سێشه‌ممه‌ به‌رِێز نیكۆلاى ملادینۆڤ وه‌زیرى ده‌ره‌وه‌ى ولاَتى بوڵگاریا به‌ یاوه‌رى باڵیۆزى بوڵگاریا له‌ عیراق و ئه‌حمه‌د بامه‌رِنى سه‌رۆكى به‌شى ئه‌ورِوپا له‌ وه‌زاره‌تى ده‌ره‌وه‌ى عیراق و شاندێكى بالاَى بوڵگاریا گه‌یشته‌ هه‌رێمى كوردستان و له‌ فرۆكه‌خانه‌ى نێوده‌وڵه‌تى هه‌ولێر له‌لایه‌ن فه‌لاح مسته‌فا به‌رپرسى په‌یوه‌ندیه‌كانى ده‌ره‌وه‌ى حكومه‌ت پێشوازیان لێكرا.

ئه‌مه‌و برِیاره‌ نیكۆلاى ملادینۆڤ وه‌زیرى ده‌ره‌وه‌ى ولاَتى بوڵگاریا له‌گه‌ڵ به‌رِێز مسعود بارزانى سه‌رۆكى هه‌رێمى كوردستان و به‌رِێز د.به‌رهه‌م ئه‌حمه‌د ساڵح سه‌رۆكى حكومه‌تى هه‌رێم كۆببێته‌وه‌و باس له‌ پته‌وكردنى په‌یوه‌ندیه‌كانى نێوان هه‌رێمى كوردستان و ولاَتى بوڵگاریا بكه‌ن.

جێگه‌ى باسه‌ له‌ رێوره‌سمى پێشوازیه‌كه‌دا كاروان جه‌مال جێگرى به‌رپرسى فه‌رمانگه‌ى په‌یوه‌ندیه‌كانى ده‌ره‌وه‌ى حكومه‌ت ئاماده‌بوو.