لە ئەنجامی هێرشەکانی ئیسرائیل بۆ سەر شاری ڕەفع لە ٢٤ کاتژمێری ڕابردوودا ٣٥ فەلەستینی کوژران و ١٢٩ کەسی دیکەش بریندار بوون.

لە میانی هێرشەکانی سەر شاری ڕەفعە لە ٢٤ کاتژمێری ڕابردوودا، کە نزیکەی ملیۆنێک و ٥٠٠ هەزار کەس لە کەرتی غەززە لە ترسی هێرشەکانی سوپای ئیسرائیل پەنایان بۆ ئەم شارە بردووە، ٣٥ کەس کوژران و ١٢٩ کەسی دیکەش برینداربوون،

بەگوێرەی سەرچاوە تەندروستییەکانی نەخۆشخانەی کوێت لە ڕەفع، لە ماوەی ٢٤ کاتژمێری ڕابردوودا ٣٥ تەرم و ١٢٩ بریندار بۆ ئەم نەخۆشخانەیە گواستراونەتەوە.

ئاماژەی بەوەشکردووە،  زۆربەی ئەو کەسانەی لە هێرشەکانی فڕۆکە جەنگییەکانی ئیسرائیل بۆ سەر ماڵە مەدەنییەکان گیانیان لەدەستداوە منداڵ و ژن بوون و زۆربەی جەستەیان پارچە پارچە بوون.

سوپای ئیسرائیل بەیانی دوێنێ هێرشێکی زەمینی بۆ سەر ناوچەی ڕەفع دەستپێکرد و ڕایگەیاند: کە هێرشی کردووەتە سەر دەروازەی سنووری ڕەفع کە کەرتی غەززە بە میسرەوە دەبەستێتەوە.

 

 

گوڵان: سەردار خەلیل